📗 Libro en gallego EMIL E OS DETECTIVES

Emil Tischbein xa ten idade para viaxar só a Berlín, onde vai pasar uns días cuns parentes. Nin el nin a nai imaxinan que o primeiro adulto con quen coincida no tren será un ladrón que lle levará os cartos. Por sorte, a cativada berlinesa non dubidará en botarlle unha man para desfacer o torto. Emil e os detectives acadou un éxito fulminante, foi levado ó cinema, traducido a máis de sesenta linguas e incluído na lista de lecturas clásicas das escolas alemás. Inaugurou unha concepción da literatura infantil –motivos realistas e lingua vivaz– que aínda predomina hoxe. Mais o segredo do seu éxito talvez radique na mensaxe última da historia: mellor nos iría a todos se confiásemos no bo facer dos nenos.