VIAXE DE IDA E VOLTA

Anxela Loureiro presenta no seu primeiro libro, Viaxe de ida e volta, a aventura dun caracol que sae do seu habitat natural e entra en contacto co mundo dos humanos, e sofre diferentes aventuras, nese mundo hostil para el, ata que recupera a tranquilidade volvendo ó seu medio natural. Fol era un caracol feliz, que nunca pensara en viaxar, ata que un día alguén cortou a leituga onde vivía e comezou unha grande aventura. Dende ese momento pasou por moitas situacións altamente perigosas: dende esquiva-la fervenza que producía a billa, altar dunha bolsa de lixo en marcha ou caer na tea dunha araña ata soporta-las lambetadas dunha cadela. Anque, sen dúbida, quen máis medo lle impoñía eran uns enormes seres chamados persoas. Novela ben artellada, escrita con axilidade, en base a capítulos curtos, abundacia de diálogo, sinxeleza e riqueza de linguaxe, que os lectores de nove anos en diante poderán ler dunha sentada. As ilustracións de Enjamio realzan un magnífico texto, cheo de humor e fantasía.