Antonio Torrado

O protagonista é un macaco que decidiu corta-lo seu rabo porque tódolos rapaces se metían con el. Pero pouco despois arrepentirase de telo cortado e tentará recuperalo con tódalas súas forzas.

Este conto é unha continuación do clásico de Andersen O traxe novo do emperador. O neno que recoñecera que o emperador ía espido é chamado á corte real, onde seguirá dicindo sempre o que el pensa. Pero as suas verdades acabaran disgustando a todolos nobres e o cativo tera que volver coa sua familia. Pero o conto non acaba ai...

Teatro ás tres pancadas do portugués Antonio Torrado recolle sete pezas para representar por grupos de teatro escolar. Un libro que tenta responder dunha soa vez a varias preguntas que en diversas ocasions lle teñen dirixido o autor: ¿E logo non tera unha peciña dispoñibel para nos representarmos na nosa Escola? ou ¿Pode darnos unha peza para o noso grupo itinerante que non comporte moitos actores? ou Precisamos unha peza de montaxe doada, ¿Ten algunha a man?. Antonio Torrado, un dos mais importantes autores da literatura infantil portuguesa, tenta responder a todas esas preguntas con este Teatro as tres pancadas. Torrado ofrece sete pezas (Serafin e Malacueco na corte do rei Escama, A raposa e o corvo, Historia dun papagaio, Velai ven o paisano das moscas, Olla o paxariño, Os catro pes do trono e As tres cabazas) que pola orde de presentacion no libro, avanzan do mais simple e carente de pretensions para o igualmente simple e carente de pretensions, pero non tanto. Todolos espectaculos que se propoñen no libro dispensan, na sua exposta desafectacion, do aparato das luces de escena e aos suntuosos figurinos. En palabras de Torrado so non dispensan unha cousa: o pracer irresistibel de inventar o Teatro, de crealo, en alegre comuñon de actores e publico, convocados para a festa ao bater solemne das tres pancadas de Moliere.