LOIS LADRA

Sotelo Blanco Edicións publica, na súa colección Estudos e Investigacións, A PESCA TRADICIONAL NOS RÍOS DE GALICIA, obra gañadora do Premio Vicente Risco de Ciencias Sociais 2008. A pesca tradicional nos ríos de Galicia. A enorme riqueza e diversidade do noso patrimonio marítimo e fluvial comeza a ser estudada de xeito sistemático e transdisciplinar pouco a pouco. Este traballo céntrase no estudo da pesca tradicional nos ríos galegos, desde o Miño até o Navia, pasando polo Ulla, Tambre, Ladra e Sil. Caneiros, pescos e pesqueiras conforman diversos tipos de arquitecturas vernáculas funcionalmente especializadas nas capturas de peixes migratorios que constituíron unha fonte alternativa de alimentos e excedentes nas economías campesiñas precapitalistas do noso medio rural. Ao longo de varios capítulos abórdanse diversas cuestións vinculadas á cultura pesqueira de tres comunidades ribeiregas: Portomarín, Herbón e Arbo. Logo de máis dunha ducia de anos de traballo de campo ofrécense os resultados preliminares dun amplo proxecto de investigación centrado no patrimonio da auga común a galegos e portugueses.

Nesta obra foron analizadas varias das representacións máis significativas da arte popular no Concello de Valga (Pontevedra): cruceiros, petos de ánimas, calvarios, vía crucis... Catalogáronse todosos exemplares rexistrados a finais do ano 1999, moitos deles ainda conservados, outros infelizmente desaparecidos e alguns mais posteriormente restaurados ou recolocados perto da sua ubicacion orixinal. Con esta obra pretendese dar a coñecer un patrimonio cultural ata agora practicamente esquecido ou ignorado e que precisa urxentemente de ser divulgados, apreciado e protexido antes de que se perda para sempre.