Marcos Valcárcel

Xoaquín Lorenzo Fernández (Ourense, 1907-Lobeira, 1989) foi unha das figuras máis destacadas da xeración do Seminario de Estudos Galegos e do núcleo histórico do galeguismo ourensán. Compañeiro de figuras como Otero Pedrayo, Vicente Risco, Florentino Cuevillas ou Xesús Ferro Couselo constituíu o último carballo da touza vizosa dunha xeración que tivo a Galicia como o seu único guieiro. Etnógrafo, arqueólogo, historiador, profesor, fotógrafo, debuxante, fundador do Museo do Pobo Galego, membro da Real Academia Galega, Xoaquín Lorenzo percorreu infatigablemente os camiños, vales e castros de Galicia procurando atopar a auténtica alma popular galega. Autor dun xigantesco esforzo pioneiro de síntese descritiva dos aspectos tecno-económicos da nosa cultura tradicional e da fala e literatura popular, recollidos en cento vinte e tres traballos monográficos e no seu amplo estudo sobre a Cultura Material editado no segundo volume da "Historia de Galiza" dirixida por Otero Pedrayo, a figura de Xoaquín Lorenzo é indispensable para entender o saber popular labrego e mariñeiro á piques de esmorecer diante das transformacións sociais producidas na segunda metade so século XX. O presente volume, "Xoaquín Lorenzo. Vida e obra", preparado por Marcos Valcárcel, constitúe unha achega, á vez divulgativa e rigorosa, sobre o percorrido biográfico e a obra dunha personalidade, homenaxeda no Día das Letras Galegas de 2004, que tivo por oficio o soño de descubrir as raíces máis fondas de Galicia.

Xoaquín Lorenzo Fernández (Ourense, 1907-Lobeira, 1989), etnógrafo, arqueólogo, historiador, profesor, fotógrafo, debuxante, fundador do Museo do Pobo Galego, membro da Real Academia Galega, foi unha das figuras claves da xeración do Seminario de Estudos Galegos. Autor dun xigantesco esforzo pioneiro de síntese descritiva dos aspectos tecno-económicos da nosa cultura tradicional e da fala e literatura popular, recollidos en cento vinte e tres traballos monográficos e no seu amplo estudo sobre a Cultura Material editado no segundo volume da Historia de Galiza dirixida por Otero Pedrayo, a figura de Xoaquín Lorenzo é indispensable para entender o saber popular labrego e mariñeiro á piques de esmorecer diante das transformacións sociais producidas na segunda metade so século XX. Este libro, preparado polo profesor Marcos Valcárcel e dirixida ao público máis novo, presenta de forma breve, amena e con profusión de fotografías e documentos gráficos os principais acontecementos biográficos da figura homenaxeada no Día das Letras Galegas 2004. Un libro indispensable para que os mozos e mozas de hoxe coñezan a vida de Xoaquín Lorenzo, unha figura que tivo por oficio o soño de descubrir as raíces máis fondas de Galicia.

Un volume no que se realiza un completo percorrido biográfico sobre a figura ho-menaxeada no Día das Letras Galegas 2001. Unha análise detallada da súa obra lírica, xornalística e da súa contribución lexicografica, recollida no monumental Diccionario Enciclopedico Gallego-Castellano. Neste volume, preparado polo profesor Marcos Valcarcel, analizase a sua obra literaria no contexto do seu tempo historico e as suas aportacions dende o xornalismo galego, especialmente en El Noroeste da Coruña, e desde a presidencia da Real Academia Galega, onde fixo un labor regaleguizador moi relevante. Ademais estudiase a sua obra como lexicografo, "apañando" de vagar novas palabras e ditos populares ata dar cabo o seu Diccionario Enciclopedico Gallego-Castellano, obra postuma en tres tomos (1958-1962), autentico tesouro sobre a nosa fala popular que foi tamen fonte fundamental de enriquecimento linguistico para todos os nosos escritores desde a sua publicacion e que, de seu, xustifica o mias que merecido recoñecemento que Galicia lle dedica.

As presencias gráficas da vila de Ourense e da provincia na chamada «Idade de Ouro da Postal» (1900/1930) -tempos estelares da comunicación escrita, epistolar, testemuñal, presencial, relacional, mes

Este libro de Marcos Valcárcel constitúe unha achega, breve pero rigorosa, á historia de Ourense. A crónica do percorrido vital dunha cidade cunha longa historia e un moi poderoso legado cultural. Unha viaxe posible dende o mundo romano ate a actualidade esculcando nos xeitos de vida, nas ideas e nos sucesos que marcaron o devir urbano. O convite a descubrir xuntos, os lectores e tamen os alumnos de Secundaria e dos Institutos, as raices da cidade que acobillou figuras tan relevantes da nosa historia como Curros Enriquez, Lamas Carvajal, Vicente Risco, Otero Pedrayo, Florentino Cuevillas, Eduardo Blanco Amor, Anton Tovar, Carlos Casares e Xose Luis Mendez Ferrin.Este libro de Marcos Valcárcel constitúe unha achega, breve pero rigorosa, á historia de Ourense. A crónica do percorrido vital dunha cidade cunha longa historia e un moi poderoso legado cultural. Unha viaxe posible dende o mundo romano ate a actualidade esculcando nos xeitos de vida, nas ideas e nos sucesos que marcaron o devir urbano. O convite a descubrir xuntos, os lectores e tamen os alumnos de Secundaria e dos Institutos, as raices da cidade que acobillou figuras tan relevantes da nosa historia como Curros Enriquez, Lamas Carvajal, Vicente Risco, Otero Pedrayo, Florentino Cuevillas, Eduardo Blanco Amor, Anton Tovar, Carlos Casares e Xose Luis Mendez Ferrin.