Ramón X. Beltrán Carballeira

Como ben di o título, é un libro moi útil para aquelas/es que desexen introducirse na lingua galega xa que facilita todo o necesario para cursos de iniciaci&oacut

Como ben di o título, é un libro moi útil para aquelas/es que desexen introducirse na lingua galega xa que facilita todo o necesario para cursos de iniciaci&oacut

O Manual práctico de galego forma parte da colección que Baía Edicións dedica a poñer en mans das persoas interesadas en coñecer o noso idioma uns manuais de fácil comprensión, ao tempo que proporcionar uns textos para aqueles que precisen dunha forma rápida e segura resolver dúbidas a respecto da escrita do galego.O presente manual resulta un material didáctico moi eficaz para os cursos de iniciación e perfeccionamento do idioma galego promovidos polas nosas autoridades educativas e culturais tanto no noso país como naqueles territorios con poboacións de tradición galegofalante, para os cursos de formación de adultos en lingua galega, para a preparación de oposicións ás distintas administracións actuantes en Galiza, como repaso dos coñecementos adquiridos e complemento dos traballos de lingua para os últimos cursos da ESO, Bacharelato e Formación Profesional, e un texto de consulta inmediata para as persoas que xa fan do galego o seu medio vehicular de comunicación. O manual, que se adapta ás Normas ortográficas e morfolóxicas do idioma galego aprobadas pola Real Academia Galega en sesión plenaria do 12 de xullo de 2003, estrutúrase en dúas partes: unha de teoría, para coñecer os porqués, e outra máis práctica, cunha ampla proposta de exercicios. A súa solución recóllese ao final do manual, coa intención de axilizar a comprobación da exactitude das respostas dadas. (...)

O presente volume pretende ofrecer un método práctico orientado á preparación da proba de lingua galega no proceso selectivo para o ingreso no cadro de persoal do Servizo Galego de Saúde (SERGAS). Na súa redacción pódense observar catro partes principais: Propostas con cuestións referentes ao coñecemento da lingua galega. Son un total de 1000 preguntas, repartidas en 50 cuestionarios formados por 20 exercicios. A súa estrutura é a que segue: a) Vocabulario de Medicina (da 1ª á 5ª pregunta). b) Corpo humano (da 6ª á 8ª). c) Léxico Administrativo (da 9ª á 11ª). d) Léxico común (da 12ª á 15ª). e) Morfoloxía, Sintaxe e Ortografía (da 16ª á 20ª). Cuestionarios das máis recentes convocatorias do SERGAS. Recollemos un total de 14 propostas, coas que se pretende ofrecer unha panorámica dos exercicios presentados nos últimos anos (de 2002 a 2005) para as diferentes categorías laborais (auxiliar de enfermería, celador/a, servizo de cociña, etc.) Vocabulario específico. A modo de complemento, incluímos un vocabulario específico da saúde e da administración sanitaria. Trátase dos principais termos do léxico específico deste ámbito, agrupados nun glosario final coa finalidade de facilitar a consulta, cando esta for necesaria. (...)

Este libro formula mil preguntas de galego para respostar, coas súas mil solucións, a máis de catro mil dúbidas que o leitor poida ter. A intención que perseque é que o devandito (o consumidor), sexa capaz de se autoavaliar, e así coñecer o nivel de galego que ten. Unha vez máis este autor vaise dirixir a un colectivo concreto, ó dos opositores que precisen superar probas de galego para o acceso á función pública dependente da Xunta de Galicia, e tamén unha vez máis advirte da utilidade do seu traballo para outro tipo de lectores, aqueles tolos que só pretenden ser máis coñecedores da súa lingua. Composto por vintecinco tests de corenta preguntas neles vanse tocar aspectos de vocabulario, gramática e ortografía, algúns máis sinxelos ca outros, pero todos de necesario coñecemento para ter unha boa base sobre a que apoiarse para desenvolver con corrección a nosa lingua.

Nova edición corrixida. 2019 O Manual práctico de galego forma parte da colección que Baía Edicións dedica a poñer en mans das persoas interesadas en coñecer o noso idioma uns manuais de fácil compr