RICARDO CANDAS

Superficie del silenciu ye una obra fecha cola solidez de l’argamasa pero tamién col desconsuelu del adultu qu’escribe y que sabe qu’«El neñu que fui / duerme nos terruños del pasáu». La memoria y el

Con Naufraxos, poemariu d'aire gris y biltu viviegu, ganó Ricardo Candás (Xixón, 1977) el premiu Nené Losada Rico que concede l'Asociación de Mujeres Valdés Siglo XXI, na convocatoria del añu 2011. Si, na tradición lliteraria, la vida ye una barca al debalu pela mar, el naufraxu ye la metáfora que fala de la derrota (o les derrotes) que la vida va sumando pasín a pasu: «Naufraxos toos, / entellunu / de la memoria, / les mios vides paraleles». Narrador y poeta, Ricardo Candás tien publicaos los poemarios Quiciás seya payares (2006), Los díes pensatibles (2012) y el volume de cuentos Les últimes pallabres (2010).

Aire mugoriento ye una novela, en pallabres del autor, de tremendismu psicolóxicu, na que l'angustia, la sensación constante d'afuegu y el sentimientu de culpa y esmolición del protagonista faen una atmosfera irrespirable. La novela fala de la culpa, pero tamien de la redencion al travies de la resolucion d'un misteriu qu'arrodia un fechu criminal que cai bien cerca del protagonista. Alipiu, un rapaz que vive dellos socesos tarrecibles que-y pruyen l'alma, bregara col aire mugoriento que lu ablaya pol so vinculu cola victima y el victimariu. Y ye qu'esta novela, que retrata con precision la psicoloxia de los personaxes, tien daque de novela negra y de suspense, afondando nes solombres mas gafes de la psique humana.