Nunha casa rural no alto dun outeiro vivían co seu avó dous xemelgos xoguetóns que nunca pisaran a escola. Cando se soubo a noticia, uns homes do concello viñeron a visitalos e a partir dese día as súas vidas cambiaron. Artigo 7º "O neno ou a nena debe recibir unha educación e unha cultura que o dote de cultura xeral, lle permita desenvolver as súas facultades e o seu xuízo persoal e lle permita ser un membro útil da sociedade. Esta educación ten que ser gratuita".
Unha nena pequena da cidade acaba pasando a noite nunha granxa cos animais que nela vivían. E boa a armou! Artigo 4º "O neno ou a nena ten que gozar dos beneficios da seguridade social. Debe poder medrar e evolucionar, xa antes de nacer, dunha maneira sa. Ten dereito a unha alimentación, a unha vivenda, a uns espazos adecuados e a uns servizos médicos apropiados e gratuítos".
Tomás era un neno tranquilo e bonachón pero non aprendía como os demais. Un día deulles unha lección a todos os seus amigos e amigas do barrio. Artigo 5º "O neno ou nena que sufra algunha deficiencia física, mental e social, ha recibir tratamento, educación e as atencións necesarias que reclama a súa particular situación".
Ao edificio de Xeila chegou a vivir Inés, unha nena que andaba de aquí para alá vendendo cousas, recollendo olivas... e non ía moito á escola. Artigo 6º "O neno ou a nena debe ter a posibilidade de medrar nun ambiente de seguridade económica, se é posíbel baixo o coidado de seus propios pais, nunha atmosfera familiar de afecto e comprensión que favoreza a expansión harmoniosa da súa personalidade".
Pedro vivía nunha aldea entre dúas montañas, a da aldea laranxa e a da lila, que se levaban a matar. Como non era de ningunha non tiña con que xogar, até que un día deu cunha meiga que lle regalou unha capa invisíbel e a partir de aí pasaron moitas cousas. Artigo 10º "O neno ou nena debe ser protexido de todo aquilo que poida fomentar a discriminación ou o odio racial, relixioso ou de calquera outra índole. Debe ser educado no sentimento de que conseguirá a súa plena expansión e se asegurará as máximas satisfaccións se consagra as súas enerxías e cualidades ao servizo do próximo, cun espírito de fraternidade e de paz universais".
Había unha vez un neno que sufriu un accidente de avioneta cando ía co seu avó aventureiro. Caeu nun lugar moi afastado, onde viviu unha nova vida con persoas moi boas e interesantes, mais non lembraba o seu nome e tiña que recuperalo. Artigo 3º "O neno ou a nena debe ter dereito desde o seu nacemento a un nome e unha nacionalidade".
Había un lugar no que os nenos e nenas se portaban tan mal que seus pais pediron axuda a través dos xornais. Un día, chegou ao lugar unha estraña muller cunha caixa máxica e ocorreron moitas cousas... Artigo 2º "O neno ou a nena debe estar en situación de desenvolverse dunha maneira sa e normal, no plano físico, intelectual, moral, espiritual e social, en condicións de liberdade e dignidade".
Á terraza da casa de Xela chega cada ano unha andoriña a facer o seu niño. Esta cóntalle a Xela o que viu sobre como viven os nenos e nenas do mundo. Artigo 9º "O neno ou a nena debe ser protexido contra todas as formas de neglixencia, de crueldade e de explotación. De ningunha maneira será sometido a unha ocupación ou traballo que prexudique a súa saúde ou a súa educación, ou que dificulte o seu desenvolvemento".
Sabes como se saúda na lingua Molof? Asetu, unha nena gambiana que chegou a unha escola galega, vaiche ensinar iso e moito máis do seu país. Artigo 1º "O neno ou a nena debe gozar de todos os dereitos recoñecidos, descartando toda consideración de raza, cor, sexo, lingua, casta, relixión, opinión política ou outras opinións, de orixe nacional ou social, de posición económica, de lexitimidade ou de calquera outra situación".
Colección de cuentos para iniciarse en la lectura con letra de palo. Presentan al niño los nombres propios, las cosas, acciones, etc. más cercanos a él.
