Xose Luis Franco Grande

Este libro recolle a correspondencia que Ramón Piñeiro mantivo co poeta e escritor Xosé Luís Franco Grande durante trinta e cinco anos, ata poucos meses antes do falecemento de Piñeiro.

A proposta deste libro é considerar con outro punto de vista as cuestións da política galega aínda abertas. Nese contexto, o federalismo non sería só solución, senón unha maneira de organizar o social, unha cultura. Un xeito de nos encarar co mundo desde a convivencia e a concordia.

Na poesía do autor vonviven o persoal e o externo, o natual e o histórico.

Os anos escuros é a obra dun dos máis altos poetas que teñana habitado a república das nosas letras contemporáneas. Por iso se non trata dunhas memorias, quer xustificativas dos actos propios, quer trivializadoras das grandes realidades vividas...

A irmandade foi, desde os seus comezos, un dos atributos sobranceiros do galeguismo. Da cultura galega entendida como arela e esperanza que une a decisión libre de cadaquén. Despois da súa opera mag

Os anos escuros de Franco Grande é o testemuño dunha época fundamental para a cultura galega. Galaxia publícao nunha nova edición ampliada. Franco Grande transmítelle ao lector ou lectora o pulso e o ambiente do que foi a resistencia cultural dunha xeracion.

Dono da palabra nos anos máis escuros, Xosé Luís Franco Grande verteu, a través dela, algúns dos mellores poemas da nosa lírica contemporánea. Poemas de percorrido breve, e aínda brevísimo, nos que a apelación ao eu non elude a chamada á solidariedade que o estalido telúrico convoca. Entre o si e o non é un libro para ler moi a modiño, deixándose levar pola música do eterno retorno que o seu fluír contén. Un libro no que a existencia baixa coma un río calado entre as ribeiras do amor e desamor, a esperanza e loita.Vicente Araguas (Xuvia, A Coruña, 1950) é crítico literario e autor de varios libros de poemas e dun ensaio, Voces Ceibes (Edicións Xerais), no que analiza polo miúdo os avatares do grupo de canción protesta que cofundara nos tempos en que Franco Grande viña de traducir ao galego Venceremos Nós, himno da primavera compostelá de 1968.

A vida de Francisco Fernández del Riego desenvolveuse na dicotomía home de acción-home de cultura. Contactou moi cedo co pensamento galeguista e iniciou, moi cedo tamén, o seu arduo labor como creador literario e ensaista. A cantidade e a calidade do labor que ten impreso abrangue a literatura, a etnografia, a lingua, o pensamento, os libros de viaxes e outros aspectos da cultura, moitos deles de especial relevancia cando sairon do prelo.

X. L. Franco Grande adoita incluírse na chamada xeración das Festas Minervais, cuxos trazos distintivos, ademais de nacer entre 1930 e 1940, son estudar na Universidade compostelá, implicarse no galeguismo baixo o liderado de Ramon Piñeiro e apoiar o proxecto cultural de Galaxia.Nesta Poesia reunida incluense os seus catro poemarios: Entre o si e o non (1967), O tempo a espreita (1987), Xoguetes do tempo (2015) e o Libro das abandonadas (2017). Un percorrido vital na procura da identidade, dende o existencialismo inicial e o fatalismo ata chegar a paixon e ao desamor, sempre coas inclementes agullas do reloxo do tempo presentes.