XULIO ARBESU

Xulio Arbesú (L'Entregu, 1957) tien publicaes delles noveles (Misión Pelayo, xuvenil; Un raposu en Tresmonte; Potestas, histórica; y El pisu d'enriba). Con L'eternu negociu foi a algamar el Premiu «Narraciones Trabe» del añu 2011. Autor del volume de rellatos Cuentos con neños, tien, amás, editaos dos ensayos: La informatización del transporte y El destín treshumanu. «Si bien yá tengo falao del enfoque del llibru, merez mención aparte'l tema de fondu. Utilizando l'argumentu de la llóxica, los usos y los sentimientos inherentes al dineru, abórdase continuamente la rellación ente'l poderosu caballeru y la felicidá. Son continuos los desafíos a ciertos convencionalismos, asina como la capacidá del autor pa tratar d'adentranos nel camín de delles verdaes presuntamente sólides y irrefutables que depués de da-yos dalguna qu'otra vuelta acaben paeciendo fráxiles y duldoses» (Enrique Fernández Rodríguez).

Al despertar, Fran descubre que la ciudá na que vive ta quieta. Él pue movese, pero tolo que lu arrodia queda inmóvil: xente, coches, bicicletes...Como estatues, como si-yos sacaren una foto y quedaren na ultima posicion na que tyaben. Muevese l aire, muevense les fueyes de los arboles y los paxaros...Nin se-y ocurre pensar que fuera un suañu del qu habia despertar aina. Da-y por pensar que ta metiu nuna realida virual y nun-y importa: decide esplorala alcontrandose con munches sorpreses: descubre que nun ta solu.