Zientifiko hitza psikologian dauden hitzik eztabaidatuenetakoa izan da eta izaten jarraitzen du. Lan honek psikologia zientifikoaren historiaz dihardu, psikologia ezagutza zientifikoaren arauak jarraitzen dituen zientzia esperimental gisa ulerturik. Kuhnen "paradigma" ideiatik abiatuz, autoreek psikologia zientifikoaren garapen historikoa aztertzen dute, sortu zenetik gaur egun arte. Diziplina honen bilakaeran parte hartu duten ikuspegi metateoriko eta metodologikoak, edo hitz batean, paradigma ezberdinak aurkezten dira bertan.Psikologiako ikasleei nahiz lan eremu honetan murgilduriko profesionalei psikologiak benetako zientzia izateko ahaleginean bizi izan dituen gertaera nagusien ikuspegi orokorra eskaintzea da lan honen helburua. Bilakaera historiko horren haritik, autoreek psikologiaz duten ikuspegi berezia eta psikologia zientzien artean sartzeari dagokion eztabaidari buruzko hausnarketa aurki dezake irakurleak.
Euskal literaturako kritikari harrigarriena bihurtu da Markos Zapiain, bere saioetan beti ikuspegi original bat eskaintzen diguna, bere irakurraldietan ohikoa ez den bidea hartzen dakiena, behin eta berriz ustekabean harrapatzen gaituena. 'garbi izan behar du bere tokia ohea dela, bere jarrera etzana eta bere arimaren egoera estasi haluzinatua'. Idazleen koadrila nahiz kapila guztietatik aparte, bere kasa dabil Zapiain, gustuko liburuen ur sakonetan murgilduta, txitxarro literarioaren arrantza bakartian. Horretarako berdintsu zaio Azurmendi edo Balzac, Borda nahiz Freud, Izagirre eta Joyce, Montoia ala Platon, Saizarbitoria zein Rousseau, Txillardegirekin Virginia Woolf. Aipaturiko horiek eta beste asko dabiltza liburu honetako orrialdeetan barrena, guztiak baitzazkio kitzikagarri guztiak deskubrimenduen iturri. Zain duzu letra-zopa, literaturaren oturuntza. On egin.
Aurkezpena: I. Ikerketa edota praktika-txosten bat burutzeko gida. II. Laborategiko praktiketan gehien erabiltzen diren tresnak. III. Praktiken egitaraua: Zarata nahiz zaporearekiko neofobiaren ohikuntza. Zapore-lehentasuna: Pavloviarra nahiz ikaskuntza soziala. Zaporearekiko abertsio baldintzatua. Baldintzapen Instrumentala: Moldeaketa. Indartze Programen Eragina. Iraupen Laburreko Oroimena Arratoietan. IV. Bibliografia.
