📗 Libro en asturiano ASTURIANISMU POLITICU (1790-1936)

Esta obra de Pablo San Martín (Uviéu, 1974, sociólogu) vien derromper un monte hasta agora incultu, el de la hestoria del nacionalismu políticu asturianu. Dende 1979 p'acá nun había nin un rispiu d'una hestoria del discursu nacionalista nin una hestoria vista dende'l discursu nacionalista. Eses son les dos grandes aportaciones d'Asturianismu políticu: 1790-1936. Pela primer vegada, los ciudadanos tienen al algame de la so conocencia una visión hestórica, narrativa, del fechu nacional asturianu, que da sentíu a toa esa crónica dende'l mesmu puntu de vista dende'l que se produz: la nación asturiana como suxetu de la hestoria y la voluntá de caltener esi suxetu y esi puntu de vista nos sieglos futuros. El llibru lleva un prólogu de Xuan Xosé Sánchez Vicente.