📗 Libro en asturiano EL PAISAXE BELIXERANTE

Con esta entrega poética, el cineasta Ramón Lluís Bande nun trata d’inventar nada y, ensin sin embargu, apurre equí una propuesta bien novedosa ente nós. El so trabayu vien a ser el d’archiveru, axuntando y reciclando en forma de versu testos pañaos nel diariu socialista Avance (1937). El poeta reellabora aquellos materiales documentales -xenerando la distancia estética necesaria- al traviés d’un procesu rigurosu de selección, edición, repetición y omisión. Como señala Carlos Soto Román, al referise a Holocausto (1975), de Charles Reznikoff, la ellaboración de los sos poemes tien muncho de cinematográfico: escueye un metraxe concretu y combínalu con otros, xuega col orde de los planos y les secuencies pa modificar el sentíu, pa tresmitir un mensaxe determináu. Ye difícil sacar noticies d’un poema, dicía William Carlos Williams, pero nun ye imposible lo contrario, afirmaron los pioneros de la poesía documental. Dende estes coordenaes, el cineasta, como trabayu paralelu a la documentación y montaxe de la so película nueva, compón esti emocionante llibru.