📗 Libro en euskera EMOGNOSIA

Azken urteotan, COVID-19aren pandemiaz geroztik bereziki, ugariak dira, eta oso erabiliak, zenbait hitz eta esapide berri edo berriztatu. Batzuk zuzenean ingelesez emanak dira, besteak, gehienak zeinek bere hizkuntzan moldatu ditu, euskaraz guk: fake news, egia-ostea, konspiranoia, negazionismoa, pandemia/plandemia, terraplanismoa, happycracia‪ Liburu honetan hitz –eta ideia– horiek eta antzekoak azaltzen dira: nondik datozen, nola zabaldu diren, zeinek erabiltzen dituen‪ eta, garrantzi handiko kontua, zertarako. Sakon aztertzen dira hemen auzi horiek guztiak, bibliografiak agerian uzten duenez; baina, hala ere, eta aditu batek idatzia izanik ere, liburua ez da adituentzat bakarrik; gustura irakurriko du gai hauetan interesa duen orok. Eta gogoan hartu behar da den-denoi eragiten digutela auzi hauek‪