📗 Libro en catalán LLIBRE PER CONTAR I COMPTAR

Hai moitas formas de contar. Pódense contar as nubes deitado na herba, pódense contar as formigas que saen do formigueiro sentado xunto a un amigo, pódense contar as papoulas do campo mentres paseas… ou pódese contar un conto ao tempo que se contan os personaxes que o van facendo… Pero, ao chegar ao número doce, sae a lúa, todos temos que ir durmir, e empeza a conta atrás!

Este álbum propón un divertido xogo de contas e contos. E contando por contar, contamos números e unha historia. Será entón, un conto dobremente contado? E se ademais contamos sílabas para facer versos, xa son tres as contas, e se contamos o que din as ilustracións é… o conto de nunca acabar, ou mellor, o conto e a conta de nunca acabar.

Unha historia creada por Pep Bruno e pensada para ser lida e narrada en voz alta, que se vai construíndo conforme entran e saen os personaxes, unha historia de suma e de resta cunha ducia de personaxes, unha aventura de ida e volta. O álbum preséntanos unha historia con múltiples posibilidades e máis dunha lectura. E se a todo isto sumamos (e dálle coas contas!) unhas ilustracións nas que Mariona Cabassa, coidando ela tamén, coida cada detalle, o resultado é unha historia fermosamente ilustrada, cun texto divertido, rimado e, sobre todo, ideal para ser contado.

Texto de Pep Bruno
Ilustracións de Mariona Cabassa
Tradución do castelán de Marisa Núñez