📗 Libro en gallego OS NENOS NUMERADOS

Pés Planos rouba unhas botas na zapatería de don Manuel e encérrano na Casa Grande, un edificio de tres plantas rodeado por un muro con cristais cravados no cemento que brillan co sol da tarde. Saltar o muro era unha necesidade. A fame, o frío, os celadores, a loita diaria nun ambiente hostil empuxan ós rapaces a tentar fuxir, pero moi poucos se atreven e case ningún o consegue. Os nenos numerados é a primeira e agardada obra de Juan Farias en Xerais, o escritor de Serantes, en Ferrolterra, que a pesar de residir durante boa parte da súa vida fóra de Galicia conserva a plenitude da paisaxe e da expresión da vida galega. Os nenos numerados, agora en versión galega, é unha novela sobre a experiencia dos residentes no reformatorio coruñés de Palavea.