Rosalía oculta

Paula Mayor naceu na Coruña, terra tinguida de azul e verde, onde vive. Nas súas primeiras incursións no mundo da BD gaña varios certames de cómics nacionais. Máis tarde colabora como freelance ilustrando libros para diferentes editoriais, así como carteis e deseño gráfico para axencias de publicidade e organismos oficiais. Comeza a afondar na obra de Rosalía de Castro para tentar descubrir a muller real que hai detrás da imaxe que todos coñecemos e, tras de dous anos de documentación, decide presentarse ao Premio Castelao de Banda Deseñada da Deputación da Coruña. Faino en 2023, gañándoo cunha historia onde nos mergulla na vida da autora a través das súas vivenzas e da súa obra.