📗 Libro en gallego UN IANQUI NA CORTE DO REI ARTURO

Mark Twain (1835-1910), escritor de éxito, criouse á beira do río Mississippi e foi oficial de imprenta, piloto de barco de vapor, buscador de ouro, soldado, xornalista e madereiro. A súa obra máis coñecida é As aventuras de Tom Sawyer (colección Xabarín nº 9). Un ianqui na corte do rei Arturo (1889) relata as aventuras dun ianqui de Connecticut, Hank Morgan, o supervisor dun taller de máquinas, que no ano 1879 se ve supetamente transportado á corte do rei Arturo, na Inglaterra do século VI. Tras chegar ao poder, proponse introducir no país os adiantos da civilización do século XIX, destruíndo ao tempo a tiranía da Igrexa e maila nobreza. Sobre esta liña argumental na que se reflecte a vida nunha Inglaterra do século VI que se parece ben pouco á Inglaterra real do século VI, e cun cun sentido do humor moi americano, Mark Twain vai intercalando parágrafos co que poderiamos chamar o seu ideario político, propio dun burgués progresista: contra a tiranía, a igualdade de tódolos homes (brancos) ante a lei; contra a monarquía, a república; contra o escurantismo católico, a liberdade relixiosa, contra a superstición, a educación. George Orwell considera que con esta obra Twain realizou �un deliberado afago ao peor e máis vulgar da vida norteamericana�. Twain recrea, pois, nesa Inglaterra do século VI unha utopía industrial tipicamente �ianqui� xogando e burlándose dos tópicos das lendas artúricas, sempre guiado polo ideario progresista da época que lle tocou vivir. Un clásico da literatura americana de tódolos tempos que recuperou para o galego a rigorosa e coidada traducción de Abel López, quen realizou tamén o prólogo e as notas da presente edición do Xabarín.