📗 Libro en gallego UN PORCO E UNHA VACA XA FAN UN ZOOLOXICO

Había unha vez unha morea de contos, todos xuntiños para dárense calor, que non daban atopado a alguén cos contase, buscaron e buscaron ata que deron coa vaca Xuvenca e co porco Cochón, parella artística dende que Mariacastaña andaba a bailar muiñeira polas portas. A Xuvenca, ou Xuxú, era unha rubia galega con vocación de vedete, desas que se illan nun recuncho do pasteiro para muarlle ao vento. O Cochón, ou Chonchi, levaba no corpo unha alma de cantar de cego. Os dous soñaron desde sempre con saíren polas corredoiras para demostra-lo seu talento, e ameniza-los traballos, pero co invento dos tractores, as empacadoras e os muíños eléctricos, alí ninguén se paraba a escoitalos cantar, bailar ou recitar. Aínda bo foi que apareceu a morea de contos vagabundos. Chonchi e Xuxú decidiron adoptar a morea de contos vagabundos e marchar de xira co seu espectáculo: Un porco e unha vaca xa fan zoolóxico. Este é un libro absolutamente diferente e orixinal, escrito co pulo narrativo de Paula Carballeira, e ilustrado por Pablo Otero �Peixe�, que serve para ler, para contar, para cantar e bailar.