JUAN KARLOS ODRIOZOLA

Lan hau, Euskal Herriko Unibertsitateko Argitarapen Zerbitzuak plazaraturiko beste zenbait lanen jarraipena da: ikus bitez Idazkera teknikoa.1. - Hitz-ordena, galdegaia eta komaren erabilera, Idazkera teknikoa. 2.- Izen-sintagma eta Euskara teknikoa. Perpausak josteko baliabideak, beti ere euskara teknikoaren deskribapen eta garapenari begira. Lehenengo lanean, -kiko atzizkiaren joskera eta esangurak aztertu dira, literatur tradizioan oinarrituz eta gaurko erabilera berezituetan gerta daitezkeen beharren berri emanez. Bigarren lanean ere literatur tradizioa izan da abiapuntu, eta testu teknikoetan -(e)z instrumentala edo -(r)ik partitiboa daramaten mendeko perpausek izan dezaketen garrantzia aztertzea helburu. Hirugarren lanak, hizkuntza teknikoaren izen-sintagmetan gerta daitezkeen adjektibo-segidak aztertu ditu. Laugarren lana, testu teknikoek izan behar dituzten zehaztasun eta gardentasun direlako ezaugarrien inguruko hausnarketa bat da.