Novedades del último mes en libros de Narrativa en euskera

Zirtak su eleberri historikoa da, egiazko gertakizun batean oinarritua, protagonista egiazko pertsonaia bat delarik: Egeria, mendebaldeko lehenbiziko emakume bidaiaria eta idazlea. Guregana heldu den bere testutik abiatuta, Ibilbidea liburutik alegia, Testu Zaharrak argitaletxeak argitaratua eta Maite Lpez Las Herasek euskaratua, IV. mendeko emakumearen bidaia luzea kontatzen da, Gallaeciatik Lur Santuraino. Ibilbidean zehar protagonistak biziko dituen gorabehera anitzak agertuko dira, orduko testuinguru berezian eta nahasian kokaturik, Erromatar Inperioaren gainbeheran eta Kristautasunaren hastapenetan, hain zuzen.

Liburu arrakastatsu bat argitaratu ondoren, ez aurrera eta ez atzera geratu da nobela honetako protagonista. Bere idazle-ibilbidea zuzendu nahian Donostiara itzuliko denean, ustekabean egingo du topo memorian lurperatuta zeuzkan pertsonekin. Enkontru deserosoak, odol-arrasto lehorrak, amuarrain hilak, beldurra eta xamurtasuna, azaleratu nahi ez duen egia idatziz harrapatzen saiatuko den bitartean. Ezohiko giroetan murgilduko zara Gorka Bereziartuaren lehen eleberri honetan. Galdera interesgarriak ere proposatuko dizkizu: oroitu al dezakegu gure burua, izan ginena fikzionatu gabe? Jakiten ote dugu inoiz nor garen? Nork kontatzen gaitu?

laba jaio eta sei hilabetera, mendira joaten hasiko da Miren, Unai hil eta bortz urtera. Zaldi bat aurkituko du han: grisa, marroia baino gehiago. Ez edozein zaldi. Errepidea garbitzen ari den gizon bat, ustekabeko karta joko bat, pilota partida baten ondorena, ligatzeko jarraibideak, denboran poteatzen duen bisita gidatu bat, autopsia poetiko bat eta hainbat gai esentzial aterako zaizkio bidera Mirenen ahots zatikatuari: heriotza, dolua, maitasuna, espiritualtasuna, eromena, amatasuna, eta, batez ere eta denaren gainetik, laguntasun kontraerranezko bat. Hauxe da Txoperenaren hirugarren eleberria, eta oraingoan ahots eta forma berriz jantzirik dator, bere esentziari uko egin gabe.