Libros de Narrativa en euskera, página 62 de 572

Desterrua izan daiteke behartua edo izan daiteke aukeratua. Poemotan azalduko zaizkizun ahotsek hasi dute egunerokotik deserrotuko dituen bidaia bakartia. Bakardade jasangaitzari aurre egiteko, ordea, piztiak asmatu beharko dituzte bidaide modura. Piztia horien oinatza izango da desterratuen zainetan nabigatuko duen mina. Poema bat idazteko nahikoa da norberaren ingurura begiratzen ikastea, baina poema bilduma bat osatzeko norberaren barneko paisaia desterratuak begiratzen ikasi behar da.

K.a. 480 urtean, Termopiletako gudan, Leonidas erregeak eta 300 espartarrek Xerxes pertsiarren armadari heriotzaraino aurre egin bazioten ere, greziarrei ezinezkoa izan zitzaien garaitzea. Haien izaera askeari esker iritsi dira gugana greziar zibilizazioaren hainbat lorpen. Historiako pasarte erabakigarri horixe jaso du eleberri honek.

Eta orain badakitEta orain Badakit zoriontasunaz bakarrik idazten dugulaharrez gerokoaneta badakit 2+2 zer deneta badakit ezberdina dela ile motzaz ala ile luzeaziturri azpian jarri eta ilea garbitzeailea busti hutsarekin,ala sakatsak askatuz garbitzea,eta ile apaindegian zintzurra okertzeko beldurrezala buruz behera garbitzea burua,eta negar ezkutuan egiteaala jaioberriaren inozentziarekin negar egitea.Eta orain,2+2 nolabaiteko jakintza dela dakidan arren,hala ere, orain badakit, ondo dakit, bion artean,edozein gauza idazten dugula idazten dugulazoriontasuna dakigulako idazten dugulaeta idazten dugula zoriontasuna.

Orain arte kabuxak izeneko idazlan-sorta honetan Donostia zaharreko txoko, ohitura eta pertsonaien ikuspegi berezia eskaintzen digu Ramon Intzagaraik. Bere begi zorrotzari esker kaiko arrantzaleen giroa ezin hobeto jasota aurkituko dugu: arrain-saltzaileen arteko lehia, turisten garraioan dabiltzan batelarien komediak, ekaitzaldiko ikarak, barealdiko poza. Harresi zaharra zutik zegoen garaiko kaletarren gorabeherak ere kontatzen dizkigu, kaleen historia, plaza berriko inauteriak, estropadak, pilota-jokoa... Hizkuntza egin berriaren usain gozoa dakarkigu, hitzen hotsekin jostatuz, han eta hemen kriskitinak jarriko balitu bezala. Bere idazkeran ez dago erretorika hanpaturik, ezta zintzilikarioz beteriko joskerarik ere. Hizkera aberats eta landua da berea, modernoa, irudimentsua, alaia, tanta umoretsuz zipriztindua, xehetasunez jantzia.

Nacido en un barrio de chabolas junto a Buenos Aires, Diego Armando Maradona ha pasado a ser el mejor jugador de fútbol del siglo pasado. Desde niño sorprendió a todo el mundo con su estilo de juego. Recorrió campos de fútbol de los cinco continentes con equipos de Argentina, España e Italia, y finalmente, las imágenes con el número 10 de la selección de Argentina a la espalda lo han convertido en icono internacional. Además de ello, los altibajos en su vida personal y, sobre todo, los problemas que ha tenido con la droga, han inflado la leyenda de Maradona. Así pues, la admiración de deportistas, cantantes, artistas y/o políticos hacia el jugador no ha hecho más que aumentar día tras día. Reflejo y consecuencia de esa admiración es este libro escrito por Xabier Silveira.

Raul Zelik Alex, el protagonista de este libro, ha vuelto a Bilbao, la ciudad donde solía pasar las vacaciones. La vuelta lo colocará frente a frente con el pasado; lugares, canciones, amistades… y u

Barre algarak infernuan. -Esan? galdetu nuen zakar. Beste aldekoa, horrelako erantzunik esperoan nonbait, erantzungailu bat bezala mintzatu zitzaidan. Olea jaunaz galdetu ondoren, baiezkoa jasoa, aldez aurretik prestatua zeukana labur eta lehor plazaratu zuen, inolako inguru-mingururik gabe, eguraldiaz edo liga txapelketaren azken jardunaldiaz hitz egiten den legez. Harri egina utzi ninduen. Orritxo bat eskuratu eta esku dardartiaz zirriborratu nuen tonu berean emandako helbidea. Gero begirada galduta geratu nintzen, telefonoa eskuan etenduraren txistuei jaramonik egiteke. Bera berriro! Jon, zorioneko Jon, nire bizitzatik betiko galduta uste nuen anaia. Hilik aurkitu omen zuten bere etxean. Droga gaindosi batek betiko eramanda. Inoiz gertatu behar eta... Neurri batean ez nintzen harritu, ez bainuen uste bistatik galduz geroztik (urte batzuk jada) bizimoduz aldatua izango zenik. Hala eta guztiz ere. Berri latzak ez zuen ustekabean harrapatu Xabier Olea. Aspaldi ez zuen anaia ikusten, baina gaztarotik amildegi ertzean ibiltzen ohituta, azkenean erori egin zen nonbait. Heriotza gertatu tokia eta anaia ikusi zituenean, ordea, harrituta gelditu zen. Kalezulo narras bateko biztanletzat zuen Jon, eta hara non apartamentu eder batean topatzen du, luxuz inguratuta. Sinestezina! Baina hura, bere zoritxarrerako, bolada zoro baten hasiera besterik ez zen izan. Laster, zurrunbilo odoltsu baten erdian harrapatuta geldituko zen, bizia galtzeko arriskuan, baten edo batzuen helburu bihurtuta. Irten ezin, bere inguruan maila altuko jendea, drogazaleak, sikarioak eta bortxaz hildakoak hasi ziren dantzan, zorioneko anaiak infernutik markatzen zuen konpasean

"Esaten da Siberian desagertu zela Conrad lehenengo, aitarekin, bortxazko lanak egitera bidali zutenean. Eta aita bera ere desagertu zitzaiola gero, lau urte geroago, tuberkulosia, Siberiatik itzuli zirenean. Eta esaten da, hori esan izan da beti, aita desagertzen denean semea ere desagertzen dela apur bat." Arratsaldero igotzen da Phineas, bere lagunekin, hamazazpigarren teilatura, handik bakarrik ikusten baitira herriko bi sarrerak batera: errepidea eta tren-geltokia. Itxaroten daude, izan ere, uda honetan iritsi beharko lukeen norbaiten zain. Erabat amaitu ez den diktaduraren ondorengo garai lanbrotsuan, krudelkeriaren oroitzapena jaso eta gorde nahi dute pertsonaiek, beren zauriak behingoz ixteko, tiraniaren zerbitzariek zirrikitu guztiak itxirik dituzten arren. Berrikuntza osoa eman dio Elorriagak bere obrari, bai gaiaren, bai idazkeraren aldetik, baina bere erroei eutsiz: itxurazko soiltasun guztiz landua, literatur lana erlojuaren doitasuna duen artefaktua ere izatea, gizon-emakumeen beldur eta sentimendu sakonetara heltzeko gaitasuna.

Egun hartan ere halaxe zihoan Nazario Orbe, irria eta besoak zabal, korrika zetozkion semealabak besarkatzeko prest; besteetan ez bezala, ordea, aitagandik bizpahiru urratsera gelditu zen Teofilo Maria erabakitasun handiz, baita atzetik beste bost anai-arrebak ere, bata bestearen ondotik; gero, hamahiru urteko umeak honela esan zion aitari, gizonaren plantak eginez: -Berri txarrak.

Bizi zaitezke iraganean, etorkizunean, denboraren iraganari begira, edo ondorengoei ustez utziko diezuna ondu nahian? Edo menturatu zaitezke ideia, hitz, irudi edo pentsamendu bat lekuz kanpo jartzen, mundua irauliko baduzu? Nahikoa dukezu, horretarako, galdera bat harago egitea edo erantzun ezezagun bat irudikatzea, mugak gainditu eta egunerokoaren gurpilean zangotrabatzen zaizkizun ateak irekitzeko? Nahikoa goizero janzten dituzun begiak eranztea, zure historia, inoiz ez zapaltzea erabaki duzun harriek kontatuko dutela jakiteko? Bizi zaitezke, edo ez.

Arkane-ko basotik mehatxu itzal bat zabaltzen da Errion-Thalera. Indar eta tamaina izugarrizko izaki fantastikoak esnatu egin dira... Enden itsasoaz bestaldean dago Aldenuri, eta oraindik ez daki Ibanek zer nolako borrokatan murgildu beharrean izango den. Yerrren, krilden, morghuk eta halako beste izaki askok izugarrizko bizitza fantastikoa txertatzen diote narrazioari, abenturazko tradizio onenaren ildotik. Iban Aldenurikoa da liburuko protagonista eta hamabi urteko mutiko normal bat da. Dohain berezia du hala ere, ze bere beldur atabikoak gainditu beharko ditu herria murgilduta dagoen borrokan bere lekua aurkitu baino lehen.

MEZU EZKUTUALed ZeppelinIVAtlantic, 1971Zorabiatuta sentitu naiz une batez. Beti gertatzen zaidan moduan. Gero, begiak ireki eta kokatzen saiatu naiz. Nire aurrean, morroi bat lurrean eserita, ipurdiz behera erori izan balitz bezala. Ondoan, Philips plato bat, binilo beltza kontrako norabidean jiraka. Berehala ulertu dut. Berriro ere Stairway To Heaven. Inbokazioa. Astunak dira gero.Satan al zara? galdetu dit mutilak.Nor bestela? erantzun diot. Atzeraka ipini duzu kanta, ezta?Bai, baina Eta hemen agertu naiz, sufre-hodeien artean, ezta?Bai, baina Ez al dut Deabru itxurarik, ala? Ez da hori, baina Ba orain ikusiko duzu zertarako gai naizen egin dut orro, nire ahots latz-sakonenaz, eta hatzarekin seinalatu dut: nire madarikaziorik boteretsuena bota behar diot amateur ergel honi.Orduan, ezer burutzeko astia izan aurretik, berriro nabaritu dut: hodi batetik xurgatuko banindute bezala. Luze. Gelditu naiz azkenik, edo gelditu naute. Berriro zorabio laburra. Parean, beste gaztetxo bat, begiak arranpalo. Led Zeppelinen diskoa atzera jiraka, pick-up txiki batean.Astunak dira gero.9788497466639_L33_24.pdf

Magrebtar gizaseme bat labankadaka hil dute Lazkaon. Abokatu batek hilketa argitzeko eskatu dio Mikel Egileorri. Kazetaria kinka txarrean da, egunkariko lanpostua galtzeko arriskuan. Lan eta diru arazoek eraginda, Egileorrek mandatua onartu eta lanari ekingo dio berehala. Ikerketak ezkutuko interes zikinen, negozio ilunen eta eraildako etorkinen errautsak lurpetik atera eta denen bistan haizatuko ditu ustelkeriaren kiratsa bazter guztietara zabalduz.

Arnaut Abadia jaun kalonjea (Bithiriña, 1843; Beloke, 1916) munta handiko gizona dugu Ipar Euskal Herriko historian. Larresoroko Seminarioko zuzendaria izan zen ia berrogei bat urtez, eta, halaber, Eskualduna astekariko Laborarier sailaren ardura eduki zuen 1892-1908 tartean. Zazpi ehunetik gora zutabe plazaratu zituen bertan laborarientzat, eta gure zientzia-dibulgazioaren lehen orduko aurrendari urregorrikoa bilakatu zen, idazle bikain eta oparoa izateaz gainera.Halandaze, egileak ahanzturaren hauts artetik erreskatatu gura izan du Arnaut Abadia klasiko ezezaguna: berrogeita bost zutabe antologiko bildu ditu Arnaut Abadiaren zoo ilogiko honetan, laborarien munduko animaliei buruzkoak, Asiskoren marrazkiz egoki hornituak. Horretaz gain, Abadia eta garaia behar bezala testuinguratze aldera, sarrera ezinago mamitsua ondu du Kepa Altonagak, ohi duen modura.Arnaut Abadiaren testuok, xumeak baina pitxiak diren heinean, gure behialako letretako lekukotasun aparta dira, eta bai oso interesgarriak gaurko irakurlearentzat ere.