📗 Libro en gallego A ILLA DOS CANGREXOS VIOLINISTAS

Name: A ILLA DOS CANGREXOS VIOLINISTAS
Author: Xavier Queipo

Xavier Queipo

OQO EDITORA - 9788498711653

Infantil 5 a 6 años Álbumes ilustrados

Sinopsis de A ILLA DOS CANGREXOS VIOLINISTAS

Moi quere saber moito máis sobre uns tímidos habitantes da súa illa, os cangrexos violinistas, e non parará ata conseguilo.

Con este álbum, Xavier Queipo lémbranos que sempre hai cousas novas que aprender. O que cómpre son ganas. Logo, un pode aprender por si mesmo… ou dos que saben máis, como o avós, que gardan auténticos tesouros de sabedoría á espera de que os descubramos.

Destacan polo seu gran poder de evocación, as ilustracións de Jesús Cisneros. O artista reserva para o primeiro plano as figuras, case sempre humanas. Trátase de formas moi estilizadas, trazo que acentúa a súa elegancia. Os fondos, en cambio, aparecen esfumados, como creados a partir de manchas de cor. En xeral decántase por unha gama de tons suaves, agás no caso do azul, cor que non pasa nunca desapercibida nas composicións e que brilla cunha forza especial. Como non podía ser doutro xeito, nunha illa tan misteriosa…

Un fermoso álbum que nace da ansia de coñecemento, moi viva sempre nos nenos, e que nunca deberían deixar morrer tampouco os adultos.

Texto de Xavier Queipo
Ilustracións de Jesús Cisneros

Ficha técnica

Ilustrador: Jesus Cisneros Laguna

Editorial: Oqo Editora

ISBN: 9788498711653

Idioma: Gallego

Número de páginas: 48

Encuadernación: Tapa dura

Fecha de lanzamiento: 21/09/2009

Año de edición: 2009

Plaza de edición: Es

Especificaciones del producto

Escrito por Xavier Queipo

Xavier Queipo (Compostela, 1957). Dende 1990 escribe e publica regularmente en galego. É autor, entre outros libros, de «Ártico e outros mares» (narrativa breve, 1990), «Ringside» (contos, 1993), «O Paso do Noroeste» (novela, 1996), «Malaria sentimental» (novela, 1999), «Papaventos» (novela, 2001), «O ladrón de esperma» (contos, 2001), «Os ciclos do bambú» (contos, 2003), «Glosarios» (poesía, 2004), «O espello e o dragón» (literatura infantil, 2005), «Dragona» (novela, 2007), «Caderno da Revolución Cultural» (crónicas radiofónicas, 2007), «Saladina» (novela, 2007), «Felices e diferentes» (crónicas radiofónicas, 2009), «A illa dos cangrexos violinistas» (literatura infantil, 2009), «Cartas marcadas» (ensaio, 2010), «Ártico 2.0» (narrativa breve, 2011), «Extramunde» (novela, 2011, Premio Xerais de Novela, Premio Arcebispo San Clemente); «55» (relatos, 2014), «Os Kowa» (novela, 2016, Premio Eduardo Blanco Amor 2015), «Home invisíbel (poesía, Premio Illas Sisargas de poesía erótica, 2018), «Minutos para medianoite» (poesía, escrito a catro mans con Ramón Neto), «Corazón de Manteiga» (novela, 2020), «Final feliz» (relatos, 2022) e 66 (Xerais, 2025). Membro do Dichterscollectif van Brussel dende 2007. Recibiu varios premios en Galicia, entre eles o Premio Xosé María Álvarez Blázquez ao mellor escritor galego en 2011, o Premio da Crítica española en 1991 e o Premio Nacional de Tradución do Ministerio de Cultura (en colaboración), pola tradución do «Ulysses» de Joyce ao galego (2014). Participou en numerosos libros colectivos e antoloxías. Traduciu do francés ao galego a Amin Maalouf e Hervé Guivert, e do inglés a Conrad e Joyce. Obras súas están traducidas ao castelán, portugués, francés e italiano. Fotografía do autor: Cé Tomé.

Descubre más sobre Xavier Queipo

Recibe novedades de Xavier Queipo directamente en tu email