📗 Libro en asturiano DIES DE MUNCHO

Ganadora ex aequo de la XVIII convocatoria del premiu «Xosefa de Xovellanos» en 1997, la bona acoyida que llogró esta novela naquella edición, agotada yá, fai que se publique agora nuevamente. Falín, el narrador de la historia y ún de los protagonistes, regresa pal pueblu depués de munchos años d'ausencia y nesi viaxe de vuelta remembra los postreros meses que vivió nelli, los momentos felices y aquellos otros dramáticos que terminaron marcando'l so destín al empar qu'emburriaben a la familia a emigrar. Xunto con Selmo y Mon, los sos amigos de l'alma, la guapísima tía Aurora, la prima Rita, Rifel el padrín, los güelos, Vítor el constructor... va texendo un mundu de relaciones sorprendentes que xira con gran intensidá alredor de Grandiella, el pueblu, y que tien la clave principal nel descubrimientu de la vida, na conocencia: non siempres saber nos fai más felices nin meyores.