📗 Libro en gallego EXOTICAS E ESCRITOS XORNALISTICOS

Volume coeditado por Sotelo Blanco e o Servizo de Igualdade da Xunta de Galicia contén, en tradución da investigadora Iria Sobrino Freire, a colección de relatos curtos entre o xornalismo e a ficción titulada Exóticas, e publicada por vez primeira en Madrid en 1913, xunto cunha compilación de obra xornalística de Sofía Casanova. Posto que a súa produción é extensísima, necesariamente tivemos que nos cinxir a un aspecto da súa obra, e inclinámonos por nos achegar á súa faceta de xornalista. Para ofrecermos unha visión antolóxica coherente deste labor, partimos de Exóticas (1913), obra que reúne unha serie de estampas ou comentarios persoais daquela realidade chocante que, ao noso xuízo, supuxo un exercicio previo á consolidación do que despois sería un xeito de facer moito máis complexo que a escritora desenvolvería nas súas crónicas para o ABC. Continuamos despois mostrando o seu labor como correspondente no xornal madrileño e engadimos o texto dunha conferencia que cremos de máximo interese, tanto polo seu contido -unha verdadeira declaración de principios- como pola excepcionalidade do auditorio.