📗 Libro en gallego FIGURAS DA NACION

Figuras da Nación reúne doce ensaios relativos, case todos, á historia cultural e política de Galicia. A evolución do pensamento de sinalados devanceiros da nosa cultura preside moitas das pasaxes deste libro, pero a súa análise faise reparando no contexto económico, social e ideolóxico que lles tocou vivir. Unha presada de estudos sobre o tempo e as obras de galeguistas tan sobranceiros como Daniel Alfonso Castelao, Antón Losada Diéguez, Lois Peña Novo ou Antón Villar Ponte serven para enxergar a identidade da nación dos galegos, que é igualmente considerada á luz das súas relacións con Portugal no dealbar do presente século. O papel da historia, como disciplina científica e como contribución á cultura propia, é recreado na demorada análise da producción historiográfica de A. López Ferreiro, X. Ferro Couselo ou Manuel Colmeiro. As variables culturais, económicas e sociais que concorren o fenómeno migratorio constitúen o terceiro nó de interese de Figuras da Nación; onde se desvelan as complexas relacións que median entre a emigración americana e as transformacións socioeconómicas e culturais da Galicia do primeiro tercio do século XX. Unha ducia de ensaios para pensar os logros colectivos da nosa nación da man de senlleiras figuras que desfílan, polas súas páxinas, arroupadas co fardel da historia toda da Galicia do seu tempo.