📗 Libro en euskera LAU LAGUNAK

Bazen behin gizon bat, asto bat zeukana. Urte askoan zehar, aberea errotarako zamari lana egina zen, baina orain, zahartuta eta nekatuta, jada ez zuen lan hartarako indarrik. Hortaz gizonak, diru pixka bat aurreztearren, jaten emateari utzi zion. Astoak, etorkizun beltza zuela ikusirik, Bremenera alde egitea erabaki zuen, han kale-musikari ibiltzeko.... Asto bat, txakur bat, katu bat eta oilar bat dira Grimm anaien ipuin honetako protagonistak, eta zailtasunen aurrean ez etsitzeko adorea ematea du helburu; izan ere, beti izango dira aurrera egiteko aukerak. Inor ezinbestekoa ez den ideiatik abiaturik, ipuin honek erakusten du bizitzan denok garela gai eginkizunen bat egiteko. Gainera, animaliok basoko etxe batean topatutako gaizkileak uxatzea lortzen dutelarik, batasunak indarra dakarrela iradokitzen du. «Lau lagunak», Bremengo musikariak izenez ere ezaguna, izaera liberal, ireki eta abegikorreko hiri alemanaren ipuinik nabarmenena da. 1953tik, estatua bat dago udaletxearen ondoan laukote paregabearen oroigarri. Gabriel Pachecoren ilustrazioek, haren estilo ezaguterrazean, giza itxurako animaliak aurkezten ditu, egokierarako apainduak eta karakterizatuak. Irudien soiltasunak, koloreen bizitasunak eta testuen berotasunak gaurkotutako klasiko bihurtzen dute liburu hau.