OS MATERIAIS CURRICULARES EN GALICIA

Xesús Rodríguez Rodríguez é (Cabreiros-Xermade, Lugo, 1969), é mestre e Profesor Titular do departamento de Didáctica e Organización Escolar da USC, e doutor en Filosofía e CC da Educación coa tese Os materiais curriculares e a Reforma Educativa en Galicia (Premio Nacional de Investigación), base do libro Os materiais curriculares en Galicia (Xerais 2009). As súas líneas de investigación preferentes céntranse nos materiais e recursos didácticos en soporte impreso e dixital. Conferenciante, participou en proxectos en varios países estranxeiros, exercendo a docencia na Universidade de Porto Rico. É membro de Nova Escola Galega e dirixe a Revista Galega de Educación. É directivo da IARTEM (Internacional Association for Research on Textbooks and Educational Media), Vicedecano da Facultade de CC da Educación e forma parte do Grupo de investigación Stellae. Entre as súas múltiples publicacións cómpre destacar: Os materiais curriculares e a atención á Diversidade Sociocultural (2005), A Fenda Dixital (2007), As actividades e os Recursos Educativos dos Museos de Galicia (2008), Análise socioeducativa do Concello de Boiro (1996), Análise da Rede de Centros do Concello das Pontes (2007), A Escola, Punto de Encontro entre o profesorado e educadores/as sociais (2006). Tamén coordinou ou participou en proxectos de elaboración de materiais didácticos e coordina o congreso de Materiais Didácticos de Nova Escola Galega. Xunto cun grupo de mestres do CEIP Serra de Outes obtivo o I Primeiro Premio Educompostela (2004) cunha experiencia para alumnado con necesidades educativas especiais; e no 2003 o I Premio de Innovación da USC coa experiencia A elaboración de materiais didácticos pro e para Adultos/as.