POESIA GALEGA

Luís Pimentel (1895-1958) é un dos poetas de máis profundo e medido rexistro lírico das nosas letras, poeta existencial da mellor tradición rosaliana, testemuña dun tempo desacougado e autor dun libro fundamental: Sombra do aire na herba, que se publicou logo da súa morte, en 1959.A presente edición, da man doutro poeta, Ramiro Fonte, recolle a obra galega toda de Pimentel e explora vieiros e significacións moi íntimas, interpretacións e comentarios que de seguro interesarán ó lector e contribuirán a un mellor coñecemento da poesía deste século.