SOZIOLOGIARAKO GONBITEA

Liburu honetan, P.L. Berger-ek soziologian sartzeko gonbite ezin aproposagoa egiten digu. Gonbitea baino ez denez gero, aurkezten dizkigun bide horiek urratu nahi dituenak badu nondik abiatu. Honela, ezin estimagarriagoak dira adibide ugariz (asko gure errealitatera itzultzaileak egokituak) lagunduak datozen Bergerren irakatsiak, besteak beste, eta soziologiaren ardatza izan zitekeen hura: gauzak ez dira diruditenak. Horregatik, lehen atalean Berger-ek esango duen moduan: «Soziologiaren lilura honexetan datza: bere perspektibak ikuspuntu berri batetik ikusarazten digula bizi guztia pasatu duguneko mundua. Hau ere kontzientziaren eraldaketa bat da».