📗 Libro en gallego TAL ERA VIVIR

Name: TAL ERA VIVIR
Author: Xosé Vázquez Pintor

OS VELLOS OFICIOS III

Xosé Vázquez Pintor

Edicións Xerais - 9788497821919

Antropología Antropología social y cultural

Sinopsis de TAL ERA VIVIR

Tal era vivir é a terceira e última entrega dos ensaios antropolóxicos que Xosé Vázquez Pintor comezou en Os vellos oficios e continuou con A tribo sabe. O autor achégase á vida dos colmeiros que preparan o teitado das últimas pallozas do Cebreiro e dos canteiros ou pedreiros do Campo de Xastre, en Agolada, que labraban a fermosa arquitectura das fontes e feiras de Galicia, ao tempo que recupera a fala dos arxinas de Cerdedo e dos mestres da pedra de máis sona das terras de Montes; dá conta dos labores e da fala dos cesteiros ou bogardes de Mondariz e dos cereiros ou borreiros (xeralmente tamén capadores) de Forcarei. O traballo dos encadernadores de Viveiro, dos ferradores de Penaporrín e dos aceiteiros de Quiroga son igualmente reconstruídos a partir dunha memoria viva aínda conservada polos artesáns destes vellos oficios de noso. Particular importancia ten no volume a recuperación das carreiras do cordel, a actividade artesanal de confección de cabos e cordas, empregados en oficios agrarios e mariñeiros, que se desenvolve na parroquia de Meira do concello de Moaña. O volume inclúe un completo apartado fotográfico e un apéndice onde se recollen a fala ou xerga dos arxinas de Pontevedra e o dos cesteiros de Mondariz.

Ficha técnica

Editorial: Edicións Xerais

ISBN: 9788497821919

Idioma: Gallego

Número de páginas: 168

Tiempo de lectura:

3h 56m

Encuadernación: Tapa blanda

Fecha de lanzamiento: 13/07/2004

Año de edición: 2004

Plaza de edición: Es

Colección:
EDICIÓN LITERARIA - CRÓNICA - Etnografía

Alto: 22.0 cm

Ancho: 14.5 cm

Grueso: 1.2 cm

Peso: 267.0 gr

Especificaciones del producto

Escrito por Xosé Vázquez Pintor

Xosé Vázquez Pintor naceu en Melide (A Coruña) o 30 de novembro de 1946 e reside en Cangas desde o ano 1972. É autor dunha extensa obra literaria que abrangue a narrativa, a poesía, o ensaio, o xornalismo e a literatura infantil e xuvenil. Foi fundador dos grupos de Teatro Amador Ancoradouro-Mimo e Casa da Bola. No ámbito da narrativa publicou De ida e volta (1975), Lume de biqueira (Xerais, 1999), Quen faga voar (Premio Carvalho Calero, 2000), A memoria do boi (Xerais, 2001, Premio Torrente Ballester e Premio da Crítica Española), Mar de bronce (Xerais, 2003), Para dicir abril (Premio Cidade de Ourense, 2007), Máis vidas (2009) e Antípodas (Xerais, 2015). Como poeta destaca por Gándaras (1971), O espertar tamén é noso (1977), Ofidios de diario (Premio Eduardo Pondal, 1984), Na vertical da noite (Premio Cidade de Ourense, 1989), No corazón mancado (1989), Rotación violeta (1996), Banzados (2000) ou Seara (obra poética 1971-2011). Como autor teatral publicou, entre outros, A parroquia (finalista do Premio Abrente), A fraga encantada (1987), Sala de espera (1990), A sombra da memoria (1999), Teatro do patacón-Os pés do vento (2008). Como ensaísta destacan Os vellos oficios (Xerais, 1996), A tribo sabe (Xerais, 1999), Tal era vivir (Xerais, 2004) e A Terra do Medio (2009).

Descubre más sobre Xosé Vázquez Pintor

Recibe novedades de Xosé Vázquez Pintor directamente en tu email