Berto García

Inercia ye la falta de fuerza que puede modificar un movimientu que nun escoyimos y nel que nun nos afayamos. Ye la rutina qu'afuega, cansina como'l pingar d'un grifu dau de sí y que, por aciu de la costume, mortifica y taladra'l cerebru con un estruendu ensordecedor. Inercia ye una duermevela costante qu'atrofia la musculatura de les emociones pesie al impulsu vital de romper con ella. La inercia incapacita, cierto ye. Pero, nesi sinsentíu del que nun somos responsables y que convida a la victimización conformista, davezu la inercia tamién puede ser l'hábitu conservador de delles sensaciones y dalgunos actos que nacen de la necesidá, y que nos rescaten d'esa otra -la del mundu esterior- que nos oprime. Asina la de Berto García (Les Vegues, 1975), que se traduz na busca incansable de les palabres esactes coles que descifrar lo muncho qu'esconocemos y que, más allá del llinguaxe, se nos escapa. Consecuente cola so obra poética anterior, y nel lóxicu procesu de maduración de la voz, ufierta nesti poemariu una colección d'impresiones que, a la manera de cencielles notes, desvisten la escena d'accesorios y decoraos pa quedar a soles cola emoción más pura. Reflexona, tarrez, deféndese y pon en marcha'l motor d'escape de la desidia, ensin antroxar la vida con razones engañoses pero ensin dexase atrapar tampoco pola desesperación de sintise un simple títere en manes d'una trama sobre la que non siempre se puede actuar. Esta ye, al final, la busca de coordenaes pa salir «d'esi llaberintu / que crea la memoria / dende'l silenciu». Múltiples formes d'esplicar la inercia. (Vanessa Gutiérrez).

Solo 3 versos, 17 sílabes. Puen paecer númberos humildes, pero basta con recordar, por exemplu, que son menos que les 4 bases nitroxenaes que conformen la cadarma del ADN y los 20 aminoácidos que codifical codigu xeneticu, siendo esto lo xusto pa ser llibru dinstrucciones de la vida, de toles vides. Nun resulta por ello un meru exerciciu lliterariu, como pasa a veces col cultivu del haiku, que Berto Garcia escueya esta estructura poetica, pequeña en dimensiones pero grande en potencialida, pa reflexonar sobe la so vida; sobre les nuestres vides. Los poemes van enxaretandose con precision bioquimica, como esllabones duna cadena, componiendo un gran poema-llibru de sentiu total, una secuencia na que cada pieza fala por si mesma resonando na corporeida del conxuntu: un xenoma poeticu. Y como los propios cromosomes, ye esta una escritura de pliegues; tamien como les figues dorigami del que tomal titulu. Nun ye casualida que seya precisamente tiempu una de les pallabres que mas se repite nestes estrofes. Otra ye silenciu. Tiempu y silenciu como coordenaes vitales, como fondu y como forma desti gran llibru que nos ufre Berto Garcia, porque pueque lhaiku seya computable en 3 versos y 17 silabes de rapida llectura, pero ¿cuantu tiempu tarda en dexar de sentise esi ecu que se repite nos espacios vacios ente versos? ¿Como cuntar les silabes del silenciu?