ALVARO MATXINBARRENA

Lau antzezlan ditugu liburu honetan, eta urteko lau urtaroekin batera datoz. Aizpea Goenaga aktoreak garaian garaikoa antzezteko proposamena egiten digu, eta laguntza eskaintzen. Lan hauetako dekoratuak egitea erraza da oso. Bestalde, askotariko pertsonaiak ageri dira eta hainbat lagunek har lezake parte bertan. Gainera, adinez txikienek zein neska-mutiko koskortuagoek antzezteko moduko lanak dira: txikienek hizki gorriz dagoena besterik ez dute ikasiko. Hazitxoek, aldiz, testu osoa. Hona, beraz, udaberria, uda, udazkena eta negua antzerki eginez emateko aukera, aktore zailduaren eskutik.

Artean irakurtzen ez dakiten umeek guraso edo pertsona heldu baten laguntza izango dute. Ikaste bidean dauden umeentzako, eta ikasi ondorengo lehen urrats eta nekeetan ari diren umeentzako da sail hau: batzuk irakurtzearen helburutik gertuago, beste batzuk urrunxeago, baina denak ari dira ahalegin berean, urratsen arteko aldea besterik ez da berena. Egia esan, adin horietan, ilustrazioa da idatzia bera baino inportanteagoa. Ipuinaren alderdi erakargarriena ilustrazioen dotorezian dago. Baina, kontuz gero, ez baitago ipuin erkargarririk istori ederrik gabe; eta, jakina, istorio eder horretan irakurri behar dute. Hori da sailaren helburua: modu atsegin eta erakargarri batean haurren irakurmena hobetzea.