Aurki izango dira Munduko Piraten Olinpiadak, jakinarazi dio Patakon kapitainak bere tripulazioari. Txirlabeltzaren Uhartean jokatuko dira beti bezala, eta mundu osoko piratek hartuko dute parte. Patxijaik, baina, oso bestelako ideiak ditu batzuetan, eta berak Olinpiadetan ez duela parte hartuko esaten du; lehiaketan berak irabazteko, ez du beste guztiek galtzea nahi.
Marimototsek bidaia liluragarria egingo du itsasoaren hondora. Han ezagutuko duen itsas laminak edo sirenak, Graxilami izenekoak, ikasgai garrantzitsu bat erakutsiko dio. Abentura hau, beste behin, bere lagun taldearekin biziko du Marimototsek: Pirritx eta Porrotx lagunak, Patakon kapitaina, eta Kaxiano Belarrio eta Amaia Begiluze bidailagunak.
Orain dela urte asko, bazen Haizelami izeneko itsas lamina gazte bat. Haizelamik emakumezkoaren gorputza zeukan, baina, hankak izan beharrean, izurdearen tankerako isatsa zeukan, itsas lamina guztiek bezala. Horregatik, bikain egiten zuen igerian Haizelamik, izurde bat ematen zuen.Itsas laminek oso ongi abesten dute. Eta Haizelami ere abeslari aparta zen.
Pirritx eta Porrotx arrantzan eta Pirritx eta Porrotx herriko postariak liburuekin pailazoen ipuin-bilduma berria abiarazten dute Katxiporreta-k eta Elkar argitaletxeak. Bilduma hau familiaren dibertsitateari buruzko ipuinek osatuko dute, gaur egun familien egitura tradizionalak (aita-ama, seme-alabak) aldaera asko baititu gizartean (adopzioa, harrerako familiak, sexu bereko gurasoak, apartatutako gurasoak, etab).
Behin batean, bazen gizon indartsu bat hargina zena lanbidez. Joxetxo izena zuen, eta herrian denek miresten zuten, oso indartsua zelako.Harginek harria lantzen dute, eta Joxetxo han ibiltzen zen egun osoan burdinazko mazo handi batekin, kinki eta kanka!, harriei forma ematen.Haren ondotik pasatzerakoan, herritarrek hala esaten zuten miresmenez:Joxetxo da herriko gizonik indartsuena!
Pirritx y Porrotx tienen una buena amiga, que es una fanática de la fotografía, llamada Nerea. El día que cumplió siete años, Nerea invitó a Pirritx y Porrotx a merendar, y estos le regalaron un álbum de fotos, para que organizase correctamente las fotografias.
Pirritxek eta Porrotxek Pakito izurdea ezagutu dute. Beren lagun batek aurkeztu die, Kintxo Barriletek. Kintxo Barrilete Nikaraguakoa da. Amarekin etorri da Euskal Herrira, beren herrian pobrezia handia dagoelako. Kintxok mediku izan nahi du handia izandakoan. Kintxo kometa batekin ibiltzen da beti, eta Pakitori gustatu egiten zaio kometa jolaserako. Pirritx eta Porrotx ere izurdearen lagun egin dira, eta haren bizkar gainean itsas hondoa deskubrituko dute.
