Patxi Zubizarreta, página 2 de 4

Nahiz eta azterketa astelehenean izan, Beñatek ez du batere gogoko asteburuetan ikasi behar izatea. Hargatik, larunbat arratsalde batez, bere liburuak bertan behera utzi eta gurasoen logelara abiatzen da, aitari zigarro batzug lapurtzeko asmotan.

Gau batez Edorta bere arreba txikiari munstro gisa benetako beldurra ematen irakasten ari zaion bitartean, eltxo batek amari begian heltzen dio beste logelan. Horregatik Gus-i, aitari, eltxoa akabatzeko eskatzen dio, txikitxoak mamuz jantzita susto galanta emateko asmoz datozela ez dakielarik.Aitak, aulki batera igota, eltxoa jo behar duenean, umeek atea irekitzen dute eta Gus ipurdiz gora jausten da.Horrela, guztien artean ospitalera daramate eta hantxe mediku batek aitak beso bat hautsi duela kontatzen die. Ondoren, behin etxera bueltatu direla, bizi izan duten gau xelebrea gogoratzen dute. Baina oheratzen direnean, gurasoek alde batetik eta neba-arrebek bestetik, hurrengo gauean besteei susto galanta ematea erabakitzen dute.

Harmonyren ikasgelan mundu osoa kabitzen da, hainbat jatorritako familien haurrak biltzen dira han eta mundu osoa entzuten da: arabiera, txinera, errumaniera, urdua, edo hizkuntza Hegazkin bat ere prestatu dute, gelazkina, eta, flop-flop-flop, gelakideak mundu osora hegaldatzen dira: Errumaniara, Nikaraguara, Pakistanera, Txinara, Marokora Gaur goizean Nigeriara joatekoak ziren, baina hain zuzen ere Harmonyk izan behar zuen gelazkinaren pilotua, eta Harmony, ai, Harmony ez da inon ageri

Pantaleón es un muñeco de nieve que vive en el paraíso de los muñecos de nieve: el Polo Norte. Sin embargo, se aburre. Así que, un buen d&ia

Ba al dakizu estatuak ere ibiltzen direla? Ez? Hori da behintzat ipuin honetako protagonistak egiten duena: inork ikusten ez duenean, paseatzera joaten da bere adiskideekin.Maleta magikoa, letra magikoaren ondoren, beste urrats bat da haurrak irakurketan aurreratzeko egiten duen bidean. Punta-puntako 15 idazlek eta beste 15 marrazkilarik egituratzen dute 6-7 urteko haurrentzako sail hau

Bizitza osoa daukagu Obabakoak, Moby Dick edo Kixote bezalako obra miresgarriak irakurtzeko, baina Tom Sawyer, Estepako otsoa, Ibrahim jauna eta Koranaren loreak edo esku artean daukazun Enigma bi, erantzun bat bezalako liburuak irakurtzeko urte gutxi baina preziatu batzuk dauzkagu, hain zuzen ere nerabezaroan gertuago eta irekiago baikaude bizitzaren xarma, misterioa eta abenturak deskubritzeko. Emakume sugearen misterioa enigmak Euskal Herriko lehenaldira eta Birmaniara garamatza, adiskidetasuna eta lehen amodioak medio. Jentziren enigmak, ostera, India eta Himalaia ezagutaraziko dizkigu, abenturak eta malenkonia bidelagun. Erantzuna, baina, norberak bilatu beharko du?, eta hala ere ziur egon bi ipuin hauek amaitutakoan, batik bat garai egokian irakurriz gero, bidaia handi baten ostean bezalaxe sentituko zarela: desberdinago, zailduago, zaluago.

1990eko hamarkadan gaude. Gazte magrebtar askoren antzera, Selimek Maroko hitsa utzi, eta Paris distiratsura joatea desio du. Hantxe dago beraren Meka. Bidaia horretan eztia eta ozpina edango ditu halabeharrez: eztia, Esther gasteiztarraren eskutik; ozpina, Mendebaldeko errealitate gordinetik. Eta Selimen historia kontatzeko hiru ahots: gazte magrebtar berarena, Estherrena eta garaitsu hartan gurean ezagunagoa zen mugalari batena. Historia bakarra hiru generoren bidez emana: kontakizun zuzena, egunerokoa eta erreportajea. Hiru ahots, hiru kontamolde historia zahar ?bezain berri? baterako.

Rakel banatzeko zorian dago. Orain arteko harremana urrunetik ikusteko beharra sentitzen du, ihesi alde egitekoa, nahi bada, eta EEBBetara joatea erabaki du, bidaia antolatu batean, beste 13 lagunekin furgoneta batean sartuta, New Yorketik San Frantziskoraino. Gauzak urrunetik ikusteko beharrak barrenak hustutzekoa ekarri dio, eta eguneroko bat idaztea erabaki du. Furgoneta barruan, ordea, bidaiak aurrera egin ahala, harremanak sortzen dira. Furgonetan ezer ez da dirudiena, jendeak ere bere hutsuneak ditu, eta norberaren izaerak besteenarekin egiten du talka. 14 pertsona elkarren deskubrimenduan ari dira etengabe bidaian zehar. Road movie bat baino zerbait gehiago da Zubizarretaren nobela; bidaiaren gorabeherekin batera, Rakelen baitako bilakaera eskaintzen da, zatika, irakurleak puzzlea osa dezan. Rakelen begirada da nagusi, bestela: oso estilo beroa, xaloa, eguneroko xehetasunei erreparatzen diena, amodio hutsunea betetzeko amodioa behar duena.

Aquil·les vol pujar el seu peluix a les engrunsadores del parc, però hi ha una xiqueta que no ho vol consentir.

Zangoza Nafarroako herri baten izena da. Aragoa da handik igarotzen den ibaiaren izena. Eta Midas da Zangozan bizi eta Aragoako uretan jostetan ibiltzen den mutikoaren goitizena. Egun batez, Midasen lagunei Zangozako zubi handitik ibai bulartsura salto egitea bururatu zaie. Baina hori inondik ere ez da jolasa, ez da txantxa. Balentria horren bidez, gazte izateari utzi eta heldu egingo direla uste dute, eta bizarra haziko zaiela, eta neskek desberdin begiratuko dietela…

Batzuek ezagutzen dute Federiko Krutwigen Vasconia (1962) obra eztabaidagarri bezain polemikoa, baina gutxik dakite Paco Miangolarra filantropoak sustatu eta finantziatu zuela, Venezuelako erbestetik Ipar Euskal Herrira etorri berritan. Batzuek ezagutzen dute Herri Gogoa diskoetxea (19671981), edo ezagutzen dituzte Laboak, Lertxundik, Iriondok, Letek, Valverdek ... Groseko estudio klandestinoan grabatutako diskoak, baina inork gutxik daki, Iñaki Beobideren laguntzarekin, Paco Miangolarra proiektu haren mezenas gertatu zela, lehen politikan bezala kulturan orain. Donostia, Paris eta Caracas lotuko dituzte laketontzi, gerraontzi eta baporeek, Martin Ugalde, Carolina Herrera, Lezo Urreiztieta edo Maria Callas itsasoz lotzen ahal diren modu berean. Ahanzturaren uretatik atera nahian, Miangolarra Gorostiaga familiaren historia harrigarria dakar elkarrizketetan oinarrituriko narrazio honek, Patxi Zubizarretak ohi duen idazmolde ederrean. Erbesteari eta, ezinbestean, herriminari buruzko sirena kantu bat.

Malenen amona atzerritarra da, eta ez du hiria ezagutzen. Gainera, ez du ongi ikusten, kataratak dituelako. Nola moldatuko da ilobaren bila eskolara joateko? Eta etxera itzultzeko? Istorio honek oinezko eredugarria izaten irakatsiko dizu.