📗 Libro en gallego ANTONIO TOVAR: CONVERSAS CUN VELLO REVOLTADO

Cun limiar do profesor Xesús Alonso Montero, as conversas son froito dun traballo pouco frecuente no xornalismo galego: entrevistar durante corenta e oito semanas a un escritor. Xose Manuel del Caño realizou un traballo paciente e rigoroso ao recoller as opinións e lembranzas de Antonio Tovar desde abril do ano 2002 ata febreiro do 2003. Xose Manuel del Caño estrutura as entrevistas de tal xeito que manten o interese da lectura e transmite o xeito de falar directo e categórico do poeta. De Vicente Risco ao Partido Comunista, de presenza da morte ao amor, de Ourense a Galicia, neste libro viáxase pola vida e obra literaria dun autor de personalidade autentica e senlleira. A literatura, a política e os amigos xorden neste libro a traves da voz do propio poeta, que fala sen cancelas e logra apreixar o lector ou lectora nunhas verbas cheas de coherencia vital, lucidez e radicalidade.