📗 Libro en gallego AS VODAS DE FIGARO

O francés Caron de Beaumarchais (1732-1799) foi reloxeiro na súa mocidade, profesor de harpa das fillas de Luís XV e axente secreto en Inglaterra e Alemaña, e aínda que sería unha ousadía afirmar que esas tres condicións deixan unha clara pegada na súa obra dramática, o que si é innegable é que, precisión, sensibilidade, gran mestría e mordacidade no desenvolvemento das tramas son as súas características máis destacables. As vodas de Fígaro (1784), todo un signo teatral e precursor da revolución Francesa, foi un espectáculo producido, hai tres anos, por Teatro do Noroeste, compañía concertada co IGAEM, baixo a dirección de Eduardo Alonso, que se ocupou da traducción do texto xunto con Candido Pazó. A colección Libros do Centro Dramático Galego coeditada por Xerais e o CDG ofrece en coidada traducción un dos textos dos máis importantes autores do teatro universal.