Itxoidazu Cafe de Passy-n, Etxeberria anaiek elkarrekin idatzi duten eleberri sendo eta anbiziotsu honek bi kontakizun-hari nahasten ditu, fisikoki Parisen bat egiten dutenak -Cafe de Passy-n-, denbora diferenteetan gertatu arren, eta espirituz garai eta pertsonak idealizatzeko joeraren kritikak elkartzen dituenak. Batetik, bi anaia biki Frantzian barrena autoz oporretan: kilometro pila, abenturak, jazarpenak, parrandak, ustekabeak; baita bien arteko haserretze eta adiskidetzeak ere, bakoitzaren poz eta miseriak, Egiazko Óroad-movie" bat da hau, gure hizkuntzaz gutxitan ikusi bezalakoa. Bestetik, berriz, hogeita hamabi urte lehenago, apaizgaitegitik aterata Nanterren filosofia ikasten ari den gazte euskalduna: Maiatzeko iraultzaren osteko Paris hura, bere bor-bor intelektual eta kultural guztiarekin, eta aldi berean Burgosko prozesuaren itzala, frankismoaren kontrako klandestinitateko giroa, bere ilusio eta beldurrekin, ekintza txoro eta eztabaida nahasiekin.
Ficha técnica
Editorial: Elkar
ISBN: 9788497831772
Idioma: Euskera
Número de páginas: 324
Encuadernación: Tapa blanda
Fecha de lanzamiento: 29/09/2004
Año de edición: 2004
Plaza de edición: Donostia
Colección:
Literatura
Literatura
Número: 245
Alto: 21.5 cm
Ancho: 14.0 cm
Especificaciones del producto
Escrito por Xabier Etxeberria y Martin Etxeberria Garro
Martin Etxeberria Garro (Zarautz, Gipuzkoa, 1974ko urriaren 7a - ) euskal idazlea da. Martin Etxeberria Zuloaga idazlearen semea, eta Aitziber Etxeberria eta Xabier Etxeberria idazleen anaia. Argitaratutako lehen lana bakarka idatzia eta poesiaren alorrekoa izan bazen ere, aurrerantzean idatzi dituen lan gehienak Xabier Etxeberria anaiarekin lankidetzan izan dira, eta narratibazkoak.