📗 Libro en asturiano NA ROLDANA

Enantes d'algamar una considerable sonadía pola so novela xuvenil Les coses de Ramón Lamote, traducida al asturianu en 1989, Paco Martín yá yera conocíu pola so obra narrativa, especialmente por esta novela qu'agora publicamos, que fexo d'elli ún de los nomes indispensables de la lliteratura gallega d’anguaño. Na roldana ye un retratu realista nel que tán presentes l'humor, la maxa, la fantasía, la tenrura, la tristeza... Paco Martín llevanta acta de la vida nun pueblu pequeñu en víspores de fiesta. Les escenes cotidianes coles que texe la narración trescurren alredor del chigre, peles caleyes, ente una variada cantidá de personaxes de los que conocemos el presente y el pasáu, llogrando que'l llector acabe cola impresión de que-y regalaron tou un mundu. Non en devanéu nel so momentu esta novela supo ganar l'entusiasmu esixente d'Álvaro Cunqueiro, ún de los sos maestros lliterarios.