Libros de Literatura en gallego, página 47 de 249

Con Unha historia que non vou contar, o sempre agardado escritor Cid Cabido retorna á actualidade cunha novela que cuestiona os moldes da propia ficción. Dinamitando os cimentos da novela e partindo dun estilo depurado e persoal que sempre caracterizou ao autor, Unha historia que non vou contar conforma unha novidosa e intrigante narracion protagonizada por un escritor que habita un apartamento en plena Porta do Sol viguesa, fronte ao Sereo de Leiro. A partir dun suceso real que conmocionou o Vigo dos anos 70, a novela arrastra con voracidade ao lector por unhas paxinas ateigadas de intriga, de humor, de orixinalidade e de constantes referencias cinematograficas que conforman o particular universo literario de Cid Cabido. Unha historia que non vou contar enfronta ao lector as miserias e contradicions da sociedade viguesa dos ultimos estertores do franquismo e, ao tempo, convidao a repensar a propia construcion literaria do que e unha novela, botando man dos recursos narrativos propios da non ficcion. Sen dubida ningunha, estamos diante dun gran libro, que suscitara interese e debate dos lectores e da propia critica literaria.

O naúfrago. É a historia de John Mac Barbour, un mozo escocés, tripulante do City of agra, buque que se esnaquizou nos baixos de Canesudo (Arou, Camelle) o 3 de febreiro de 1897. O relato comeza no amencer daquel fatídico día e recolle as visicitudes da súa vida, o que lle aconteceu ó intrépido escocés naquela terra afastada do mundo, onde o destino lle tiña reservadas aventuras e desventuras. É ademais, a crónica dunha época na que a xente dos confíns da Terra arrastraba o fastío dos días entre penurias e supersticións.

O símbolo perdido comeza na capital dos Estados Unidos, Washington DC. Robert Langdon, profesor de simboloxía da Universidade de Harvard, chega á capital para impartir unha conferencia no edificio do Capitolio. Pouco despois de chegar, aparece no centro da Rotonda un obxecto desconcertante cifrado con cinco simbolos. Nesta enigmatica inscricion Langdon recoñece axiña unha invitacion atavica, unha chamada misteriosa que procede dun mundo esoterico e remoto.Este descubrimento coincide co secuestro do principal mentor de Robert Langdon, Peter Solomon, filantropo e membro da masoneria. Langdon comprende que ambos os feitos estan relacionados e non ten mais remedio que aceptar o reto deste estraño misterio.Langdon atopase de supeto envolto nunha aventura que o obriga a descubrir o reverso da cidade e seguir os fios que percorren as camaras secretas, os tuneles e os templos en que se agocha o poder mais arcano. Todo o que ata o momento lle parecera familiar convertese da noite a maña nun mundo clandestino e escuro en que todo permaneceu coidadosamente oculto nun pasado de segredos masonicos e revelacions nunca vistas que parecen conducir a unha verdade inquietante e terrible.

Publicación póstuma da peza teatral composta polo psiquiatra, músico e pintor Xosé Teixeiro (A Coruña 1931-Montréal 2006). A edición do texto orixinal francés vén acompañada pola tradución al galego, por tres textos autobiograficos e por unha evocacion do autor feita por Xose Manuel Beiras.

Estudo e edición dos paratextos que acompañan as edicións das pezas dramáticas de Joâo Baptista de Almeida Garrett (1799-1854).

O fotógrafo Cristovo do Val, fuxindo da dolorosa experiencia do desamor, mergúllase nas desoladas ruelas de Areaquente, un páramo baleiro, devorado pola seca e polas tormentas de area; Areaquente, un mundo propio forxado por personaxes que vagan nun antes, nun durante en un despois perpetuos, nesa irrealidade real de ficcion e verdade, maxistralmente ben tecida por An Alfaya, quen, palabra a palabra, nos conduce polos camiños da dor eterna, da soidade e do illamento dos seres do paramo. Asi, a traves da historia dos amores cruzados entre Bernarda, Filomena, Primitivo, Elixio e Aurelio, espectros nun mundo sen tempo, asistimos aos seus soños, temores, angustias, traizons e lembranzas para decatarnos de que todo e arrastrado cara ao nada, cara ao lado escuro dese espazo que se transformou en luz. Precisamente sera con esa luz coa que debuxe as imaxes Cristovo do Val, eterno buscador de fotos con cheiro. Esta obra foi elixida gañadora do Premio Lueiro Rey de Novela Curta, organizado polo Concello do Grove, por un xurado presidido por Manuel Quintans Suarez, e do que formaron parte Francisco Martinez Bouzas, Armando Requeixo Cuba, Anxela Gracian e Ramon Caride Ogando, gañador da convocatoria anterior, actuando como secretario, con voz e sen voto, Anton Mascato, concelleiro de Cultura, e que se reuniu no Grove o dia 6 de abril do 2009.