📗 Libro en asturiano LA HESTORIA TAPECIDA

Toles histories tienen una hestoria tapecida, escondida: esto ye lo que se demuestra nesta serie de ficciones, afilvanaes nel fusa d''una mesma obsesión, onde la confidencia cortés se tresforma, de dalguna manera, en delación: cuéntase, por acio d''una tresparencia indebida, incluso lo que nun se quier contar. Escrita cola retórica de los tímidos, cola pasión de los que piensen que la frase dicha en solución d''hamonía equilibra''l caos del mundu, esta nueva entrega de Xuan Bello - difícilmente clasificable genéricamente, pero que raspia conscientemente les estayes irreales de la novela - vuelve a plantear, col rigor del vivisector, la paradoxa de quien sabe que pertenez a una tierra onde yá nada-y pertenez. Persones que cambien de bandu por ser lleales a elles mesmes nel momento precisu nel que pierden la fe, una estancia nun llugar del Bierzo, la sombra inquietante de la muerte, la tentativa del misterio, la pasión pola lliteratura... Estos son dalgunos de los ingredientes d''esta obra poblada de pantasmes - reales y imaginaos, vivíos y llenos- que nun ha dexar indiferente, de nenguna manera, al llector.