Moreniña por te ver Pasei o mar da Marola A piques de me perder. Velaí a apoteose do cancioneiro tradicional coruñés. Tríade céltica -como diría don Manuel Murguía- na forma. E unha mensaxe definitiva no fondo: Compre arriscalo todo para procurar a beleza. A Coruña, luz e vento, unha pedra chantada no Atlantico. E a Torre, ese xigante, entre as Mariñas e a Costa da Morte, facho acendido para abrir camiños no Oceano, ou -o que e o mesmo- para abrir camiños entre todos os misterios. Ruido, fume, cemento... a patina urbana tolda as veces a percepcion dos habitantes desta cidade, e non nos permite sentir as magnitudes cosmicas -pedra, mar, luz e vento- entre as que armamos a nosa vida. Afortunadamente chegou Gwendolyn, unha nova etica na mirada, para nos dar perspectiva. Ven de Oriente de Lonxe, ven de Taiwan, a illa Formosa como lle dixeron os portugueses. E quiza por iso, porque chegou literalmente do outro lado do mundo, sintonizou directamente con ese misterio de luz que se chama A Coruña. Milagre da realidade, tal e como o formulou a poeta Luisa Villalta no seu libro En Concreto: O meu nome e o da Cidade Alta Nacido onde a luz e o mar Se estan orixinando mutuamente A Coruña, nau enfeitizada -dixo Devesa Monterroso-, mar da serpe, luz, pedra, auga, vento, e nos dentro. Aqui, en concreto, onde xermola a cada instante a marabilla. Milagre do cotian que estoupa nos beizos cada vez que pronunciamos a palabra maxica: Orzan! Embarquemos pois neste libro-manifesto. Contra o frio desacougo do cemento, a mirada de Gwendolyn Luo. Destino: beleza, a mellor travesia de futuro para esta cidade barco que se chama A Coruña. Ai! Moreniña por te ver... Xurxo Souto A Coruña, xuño 2008
Ver más 
Truman
