Libros de Literatura en gallego, página 65 de 238

Un deses libros inclasificables que permanecen ocultos polas grandes obras dun autor.

Hai libros que nos acompañan moito tempo despois de telos lido. Que abren camiños para o pensamento permanecendo vivos anos despois da súa primeira publicación. Este é o caso d' O segundo sexo de Simone de Beauvoir, un texto imprescindible para os movementos de mulleres e a primeira reflexión filosófica de calado sobre a construción da condición feminina. Unha obra, publicada en 1949, que abriu debates sobre temas claves para o avance das mulleres, nomeadamente, a importancia da súa independencia económica, a redefinición do seu papel nas familias e na sociedade, a deconstrución da mística da maternidade ou a capacidade de decisión das mulleres sobre o seu propio corpo e da súa vida. Deixou claro que a bioloxía non é o destino. E, polo tanto, deu azos a moitas xeracións de mulleres para buscar formas para participar e transformar a vida social e política. A obra Beauvoir ten a virtude de ser contemporánea moitos anos despois. E agora a súa edición en galego, traducida por Marga Rodríguez Marcuño e introducida por África López Souto, no ano do centenario do seu nacemento apunta nesta mesma liña. As nosas letras enriquécense cun texto fundamental para a humanidade que xerou unha rede de pensadoras e activistas que transcende xeracións, clases e países.

O xornalista Henrique Alvarellos comezou este diario íntimo no mesmo intre de saber que ía ser pai. Aquí están as risas, os acenos, as anécdotas, as experiencias e mesmo «as medras» do novo ser, do c

A literatura como realidade que xorde da mesma literatura é a certeza da que parte a nova novela de Xosé Carlos Caneiro.

Publícase neste volume toda a narrativa breve escrita en galego por Xosé María Álvarez Blázquez.

Este libro tenta ser un retrato, construído pola propia voz de José Luis Rodríguez Zapatero, sobre a traxectoria política do presidente do Goberno. Pero, ademais, é un relato literario onde a principal voz narradora que resoa é tamén a do protagonista, acompañado de persoas que o coñecen e que axudaron a contar esta historia: Juan Rodríguez Zapatero, José Miguel Vidal Zapatero, María Teresa Fernández de la Vega, Rogelio Blanco, José Andrés Torres Mora, Trinidad Jiménez, Julián Lacalle, Antonio Cuevas, Carme Chacón, José Blanco, Pascual Maragall e Emilio Pérez Touriño. En palabras do autor do libro, Suso de Toro: «Durante a preparación deste libro, vin un político novo que chegou a ser presidente do Goberno logrando manterse reservado sobre a súa vida persoal, que actúa con gran resolución e que aparentemente non lle dá importancia ao que se di e escribe sobre a súa persoa. Un político que comunica coas palabras xustas, á vez que confía en que a linguaxe dos feitos, que para el é natural, sempre será comprendida por todos. Este libro quere deixar á luz de qué madeira está feito José Luis Rodríguez Zapatero».

Manuel Rivas é o escritor galego con máis proxección internacional. O lapis do carpinteiro é o libro máis traducido de toda a literatura galega. Pode lerse incluso en xaponés, o que algunha vez ten feito que o propio autor se preguntara que pasaría pola cabeza dun nipón ao ler os seus libros; pregunta comprensible dada a distancia cultural entre Galicia e Xapón. Pero a súa pluma logra salvar esas distancias e situar no mapa literario mundial textos orixinalmente escritos en galego, tamén sobre Galicia e desde Galicia. Rivas foi quen de entrar no mercado global e facer rendible escribir nunha lingua «minoritaria» de España e cunha temática sobre «minorías», empregando aspas para cuestionar o carácter minoritario das «minorías» porque a maior parte do mundo pertence a un ou máis grupos minoritarios xa sexa de clase, xénero, raza, etnia ou idade. Máis que dunha cuestión de cantidade trátase dun conflito de poder. Para a autora deste libro, Isabel Castro Vázquez, o termo outredade reflicte mellor a ausencia de poder e voz, xa que o outro é aquel de quen falan os que teñen voz e polo tanto controlan o discurso e o poder. O intrigante neste caso é: ¿como pode o autor conectar con diversas outredades e ao mesmo tempo crear unha conciencia identitaria especificamente galega? ¿Como chega ao global desde o local? Reexistencia, a obra de Manuel Rivas é un estudo rigoroso e actual que trata de atopar as chaves dun autor hoxe imprescindible.

Unha trama de malentendidos . George é un tipo pequeño e desconfiado. Lennie é un retrasado, cunha inmensa forza física, que intenta facer ben todo o que George lle di. Son dous vagamundos pobres e sen fogar que soñan con chegar a ter unha casa propia, con animais dos que coidar. Contratados como xornaleiros por unha granxa californiana, introducense nunha trama de malentendidos que os conducira a un final desgraciado.

Libro co que Erín Moure quedou finalista do Griffin Poetry Prize 2006, un dos premios máis importantes da literatura anglosaxona.

Unha novela sobre o paso da infancia á adolescencia na que resulta doado identificarse co protagonista.Na Galicia da posguerra Xoán vai madurecendo. Xunto a el pasamos da primeira infancia ao ingreso na Universidade, e vivimos as experiencias vitais do protagonista e os acontecementos sociais que lle tocou vivir. A experiencia cotia feita literatura. Unha novela de iniciacion que se atopa entre os libros mais lidos polos adolescentes galegos.

Nun momento en que desde algúns sectores minoritarios da sociedade se pide a derrogación da Lei de Normalización Lingüística, en nome da liberdade, se pretende revogar o decreto polo que se regula o

Manuela Branco Romasanta, o lobishome asasino é a crónica do home lobo Romasanta, baseada no sumario do xuízo que se conserva completo no Arquivo do Reino de Galiza baixo a signatura 1788. É un dramático documento sobre a cara oculta da especie humana e un bo retrato da sociedade do seu tempo, primeira metade do século xix, con datos sobre vida cotiá, economía, vestimenta, medicina, administración de xustiza e, por suposto, sobre determinadas crenzas tradicionais. Podería considerarse un episodio, moi destacado, do longo enfrontamento entre tradición e modernidade. O caso e a complexa personalidade do protagonista, un ser ambiguo, afábel, sedutor, devoto e á vez sospeitoso de crimes horrendos, que atraeron, aínda que non sempre polas mesmas razóns, as xentes do campo e as da cidade, a autores de romances populares, a xornalistas, a escritores e a cineastas. Ao final o autor contribúe a unha das múltiples lecturas posíbeis dos feitos, realizada desde a antropoloxía en colaboración con outras ciencias, nun intento de aclarar por que Branco Romasanta se convertía en lobo.

Cando chegou á cidade, as rúas semellaban cheas de gaivotas, e as encostas e os edificios altos coma mastros dábanlle a sensación de que estaba nun barco. O cheiro abafante que ascendía do porto pesqueiro impregnaballe a pel e penetraba en cada pregadura da roupa. Lembraba o seu ultimo paseo vespertino, que coincidira dunha manifestacion de traballadores: unha riola de xente que inundara as ruas principais, cortando o trafico, colapsando a cidade. Daquela lembrou un cartel turistico que amosaba o centro da cidade asolagado, como unha especie de Venecia, subliñando as relacions da cidade co Atlantico.A idade da auga, primeiro libro de narracions do escritor escoces residente en Galicia James Robert Salter, recolle oito visions da cidade de Vigo inseridas noutros tantos relatos escritos na tradicion da literatura fantastica do Mobby Dick de Herman Melville ou do imaxinario creativo galego do escritor Alvaro Cunqueiro ou do pintor Urbano Lugris.Cando chegou á cidade, as rúas semellaban cheas de gaivotas, e as encostas e os edificios altos coma mastros dábanlle a sensación de que estaba nun barco. O cheiro abafante que ascendía do porto pesqueiro impregnaballe a pel e penetraba en cada pregadura da roupa. Lembraba o seu ultimo paseo vespertino, que coincidira dunha manifestacion de traballadores: unha riola de xente que inundara as ruas principais, cortando o trafico, colapsando a cidade. Daquela lembrou un cartel turistico que amosaba o centro da cidade asolagado, como unha especie de Venecia, subliñando as relacions da cidade co Atlantico.A idade da auga, primeiro libro de narracions do escritor escoces residente en Galicia James Robert Salter, recolle oito visions da cidade de Vigo inseridas noutros tantos relatos escritos na tradicion da literatura fantastica do Mobby Dick de Herman Melville ou do imaxinario creativo galego do escritor Alvaro Cunqueiro ou do pintor Urbano Lugris.

Ao pé do abismo é a engaiolante prosa xornalística de Rosa Aneiros e inclúe textos tan deslumbrantes como «A última vaca», premio Caixanova Francisco Fernández del Riego de Xornalismo. Literatura e x