Nós nus é unha mestura de líquidos íntimos que tiran do poema coma dun becerro. Os deste libro son versos que levan o erotismo do corpo, do sacho e do alpendre no seu útero de bruxa. A autora abriu as coxas e pariu a verba. Tratase dun libro de poemas que demostra a capacidade poetica da autora, o seu dominio da escrita e a potencia con que esta a xurdir unha nova e puxante xeracion de poetas, especialmente no que atinxe a poesia de muller no panorama literario galego.
Un encontro en Vigo. Un camiño de iniciación que leva ó templo onde teñen lugar os misterios da relixión do corpo. Desenvólvense as orxías sagradas baixo a guía das sacerdotisas da divindade na procura da supresion da distancia, da restitucion da esfera, da morte.O regreso o Paraiso a traves de Galicia e da memoria. Finalmente, Mondoñedo. E logo, o mar. O mesmo mar de atenienses e galegos.
A derradeira bágoa contén vintesete contos que se sitúan entre o surrealista e o provocativo, nos que aparecen os monstros do pasado, os contemporáneos e tamén os que pode que nos invadan mañá.Benni traza unha audaz cronica da Italia de hoxe, extrapolabel a nosa Europa e ao noso mundo globalizado, onde emprega o humor negro para combater un amplo panorama de males da modernidade, entre os que destaca a omnipresenza da television e a miseria do conformismo.Traducion do italiano de Moises R. Barcia.Ilustracion da capa: Vidal Souto.
A noite xusto antes dos bosques e Combate de Negro e de cans–as dúas primeiras obras de Koltès–presentan con crueza o tema da soidade e dos medos que ela enxendra: medo do anónimo marxinado ante unha
