Gripe asko dabil aurten. Kutsakorra oso. Baina ez zen gripea izan duela hiru aste, Amadou Diallo hogeita bi urteko gazte afrikarra hil zuena. New Yorkeko Poliziak berrogeita bat tiro emanda erail baitzuen, Bronxen, Sagar Handiak bere txortena galtzen duen lekuan. [...][...] Gertaeren ondoren, etorkinen alde lan egiten duten taldeak alkatearekin bildu dira. Tragedia bat izan dela esan digu Giuliani alkateak, adierazi zuen erakunde hauetako bozeramaile batek bileraren ostean. Alkatearen idazkariak zuzendu egin zituen ordea bere hitzak: alkateak akatsa deitu zion gertaerari, baina ez tragedia, eta gainera, Amadou Diallok, edozein kasutan, Polizia bila zebilen bortxatzaile baten antz handia zuela berretsi zuen. Erretratu robotari so, elkarren antz handia zutela ohartu naiz, onartu beharra dago. Biak ziren beltzak. Polizia Saileko buruek, armatu gabeko gazte bat gerarazteko berrogeita bat tiro tiro gehiegi ez ote diren galdetu zaienean, zera erantzun dute: fenomeno honek baduela izen zientifiko bat, zeina den tirokatze kutsakorra. Lehenengo tiro erabat bidezkoen ondoren, kate-erreakzio bat sortzen da inguruko poliziengan, eta energia ezkutu batek eraginik festara elkartzen omen dira, senak hala aginduta. [...]
Este trabajo cuenta las historias y las voces que el autor ha recogido en el camino; los sueños emancipadores de su época, los proyectos convertidos en realidades y las realidades en proyectos... las palabras andantes encontradas en algun lugar. Relatos, historias especiales y ventanas sobre otras tantas cronicas es lo que nos ofrecen las paginas de este libro.
Gure klasiko bizia bihurtu da Martin Ugalde, eta bere ereduaz gain bere sorkuntza lanaz ere harritzen eta pozten gaituena. Liburu berri bat kaleratu du oraingoan, nobela bat, aurreko Itzulera baten historia eta Pedrotxo haiei gehitzen zaiena. Sentimenduz eta gizatasunez gainezka egiten duen istorioa, hunkigarri bezain gogoeta-pizgarria. Gazte marokoar bat da Mohamed, umezurtza eta koitadu samarra, Errepublika garaian Bilbora iristen dena, militarren kuartelak hornitzeko txerrikortan lan egitera. Eta horra non lehertzen den gerra, herri baten askatasuna zanpatu eta jende xehearen ametsak zapuztuko dituena. Mohamedek ez daki ezer politikaz: txerriak gobernatzen besterik ez daki, eta inguruko guztien aginduak zintzo betetzen: emaztearen esanak, militarren ordenak, don Eugenio erretorearen edo Begoñaren aholkuak...
Ideien joan-etorria bultzatzeko sortu da“Eztabaida” bilduma: saio arinak edo mamitsuak, gizartean interesa piztuko dutenak, iritziak trukatzen nahiz sendotzen lagunduko dutenak, eta“Hizkuntzen Urtea” izango den 2001 honen atarian gaurkotasun osoko gaia du saileko 2. aleak. Giza eskubideen inguruan liburuan bildu ditu Juan San Martinek bere kezka sakonenetako bi: giza eskubideen garrantzia, batetik, eta euskararen egoera bestetik, espiritu eta pentsaera humanista batek elkartuta. Giza eskubideen arloan euskaldunok munduari egin diogun ekarpena aztertzen eta gogorarazten digu egileak, baina historiako gaietara mugatu ordez beldurrik gabe heldu die egungo gorabehera eta polemikei, hala nola euskarak epaitegietan dituen arazoak, Nafarroa hiru hizkuntz eskualdetan banatzeak dakartzan bidegabekeriak, Araban euskarari jarri izan zaizkion oztopoak, Treviñoko auzia, Frantziak hizkuntza gutxituen aldeko Eurogutunari jartzen dizkion trabak eta horrek Iparraldean sortzen dituen eragozpenak...
Ahotsak eta mintzabideak itxuragabe ugaritu -eta ugaritzen- dira, itxura batean, informazioarena omen den gizarte honetan. Orotariko mintzabideen bidez mintzo zaizkigun orotariko ahots horiek gehienak, ordea, Diskurtso Bakarra osatzen dute, nota bakarreko polifonia sasikoan. Ideologien eta Historiaren beraren akabera aldarrikatzen digu, adibidez, Diskurtso Bakar horrek, bere buruaz liluratutako orainaldi zoriontsu batean kokaturik. Arretaz entzun eta irakurriz gero, ordea, Diskurtso Bakarraren lerroarteetan bertan atzeman daitezke orainaldi eternal horren kontraesanak, eta orainaldi birtual zoriontsu honen miseriak, eta zoriontasun sasiko horretan lekurik ez duten miserableen ahots isilaraziak: Seattle, Berlin, Praga, Miarritz… Aitor Zuberogoitiak, arreta Diskurtsoaren lerroarteetara emanik, Diskurtso Bakarrak betiko isilarazi nahi lituzkeen ahots horiei eman die ahotsa. Chinook-jendea harturik ahotsgabeko guztien metaforatzat.
